Николай Чикишев 9 студзеня 2023, 16:17

Bloomberg: у Apple не будзе буйных абнаўленняў прылад сёлета праз MR-гарнітуру

Журналіст Bloomberg Марк Гурман расказаў пра новыя прылады кампаніі ў 2023 годзе. Асноўныя сілы кампаніі кінутыя на распрацоўку змешанай рэальнасці.

3 каментарыя

Bloomberg: у Apple не будзе буйных абнаўленняў прылад сёлета праз MR-гарнітуру

Журналіст Bloomberg Марк Гурман расказаў пра новыя прылады кампаніі ў 2023 годзе. Асноўныя сілы кампаніі кінутыя на распрацоўку змешанай рэальнасці.

Паводле слоў журналіста, Apple рыхтуецца выпусціць першую гарнітуру змешанай рэальнасці. Праз гэта колькасць навінак сёлета можа не так уражваць. Кампанія мусіла паказаць гарнітуру ў студзені гэтага года і пачаць пастаўкі ўжо пры канцы 2023-га.

Цяпер рэліз гарнітуры перанесены на вясну, перад штогадовай канферэнцыяй распрацоўшчыкаў WWDC у чэрвені. Зараз прылада даступная для тэставання невялікай колькасці распрацоўшчыкаў софту. Пасля публічнай прэзентацыі пад верагоднай назвай Reality Pro прылада выйдзе на рынак восенню на базе новай xrOS.

Праз распрацоўку новага софту абнаўленне iOS 17 пад кодавай назвай Down можа атрымаць менш змяненняў, ніж планавалася першапачаткова. Таксама Гурман дадаў, што ў новай лінейцы iPhone усе мадэлі атрымаюць Dynamic Island. У Pro-версіях з’явяцца тытанавыя рамкі, клавішы рэгулявання гучнасці стануць тактыльнымі.

MacBook Pro будзе мець той жа дызайн і характарыстыкі, што і цяперашнія мадэлі, але з чыпамі M2 Pro і M2 Max. Новы Mac Pro будзе выглядаць гэтак жа сама, як і мадэль 2019 года. АЗП нельга будзе замяніць праз прывязку да мацярынскай платы, але затое будуць два слоты для SSD-накапляльнікаў, а таксама слоты для графічных, мультымедыйных і сеткавых карт.