У топ-10 найбольш камерцыйна паспяховых чат-ботаў на базе штучнага інтэлекту ў першым квартале 2026 года трапіў прадукт ChatOn AI мінчаніна Сяргея Алісеенкі. На рэйтынг Sensor Tower паводле аб’ёму выручкі ад пакупак унутры прыкладанняў звярнуў увагу тэлеграм-канал Вадзіма Сяховіча. У спісе таксама прысутнічае Perplexity, сярод сузаснавальнікаў якога — гамяльчанін Дзяніс Ярац.
У топ-10 найбольш камерцыйна паспяховых чат-ботаў на базе штучнага інтэлекту ў першым квартале 2026 года трапіў прадукт ChatOn AI мінчаніна Сяргея Алісеенкі. На рэйтынг Sensor Tower паводле аб’ёму выручкі ад пакупак унутры прыкладанняў звярнуў увагу тэлеграм-канал Вадзіма Сяховіча. У спісе таксама прысутнічае Perplexity, сярод сузаснавальнікаў якога — гамяльчанін Дзяніс Ярац.
ChatOn размясціўся ўслед за ChatGPT, Grok, Claude, Suno, Google Gemini, Perplexity і Plaud і апярэдзіў такіх ШІ-памочнікаў, як Kling AI і Manus. Чат-бот, запушчаны ў пачатку 2023 года, стаў чацвёртым па выручцы ў Вялікабрытаніі і Аўстраліі, пятым — у Італіі і Аргенціне, шостым — у Канадзе і Саудаўскай Аравіі, сёмым — у Бразіліі і ААЭ. На рынках ШІ-паслуг у ЗША і Мексіцы ChatOn быў восьмым, у Іспаніі трапіў у дзявятку, а ў Францыі замкнуў топ-10 найбольш паспяховых ШІ-чат-ботаў.
ChatOn налічвае больш за 100 млн спамповак на iOS, Android і вэб-платформах. Сярод прыкладна 70 прадуктаў холдынгу Алісеенкі Aiby Group, выпушчаных за больш чым дваццаць гадоў, па гэтым паказчыку ён ужо амаль дагнаў іншы гучны прадукт бізнесмена — утыліту для сканавання дакументаў iScanner са 120 млн устаноўкамі. Дзякуючы яе папулярнасці аднакурснік Віктара Пракопені стаў мільянерам і купіў вілу ў Маямі, адзначае канал.
Сёлета кампаніі, якія ўваходзяць у Aiby Group, — Aiby, BPMobile, FreePlay, EpicScale — пераадолелі рубеж у 3 млрд спамповак. Акрамя ЗША цэнтры распрацоўкі групы знаходзяцца ў Варшаве (Infotech і Epicscale). Таксама існуюць дзеючыя юрыдычныя асобы ў Беларусі — «АльпарыГруп», «Фрыплэй» і «Хайкор Геймз».
Релоцировались? Теперь вы можете комментировать без верификации аккаунта.