Blue Origin ўсё ж такі запусціла New Shepard з другой спробы

Першапачаткова запуск планаваўся 18 снежня, аднак быў адкладзены ў апошні момант праз дрэннае надвор’е і «праблемы на зямлі». У рамках гэтага запуску капсула New Shepard аддзялілася ад ракеты на вышыні каля 106 кіламетраў і прабавіла некаторы час у касмічнай прасторы. Затым шматразовая першая ступень ракеты здзейсніла мяккую пасадку.

Праз некалькі хвілін на парашутах спусцілася капсула NS-24. На калязямную арбіту былі выведзеныя 33 навукова-даследчыя грузы. Больш за палову з іх распрацавалі ў NASA. Астатнія былі падрыхтаваныя вучнямі амерыканскіх школ, універсітэтаў і іншых адукацыйных арганізацый.

Гэта быў першы за апошнія 15 месяцаў касмічны старт Blue Origin. Раней, 12 верасня 2022 года, падчас запуску ў першай ступені адбылася анамалія, якая прывяла да страты ракеты-носьбіта. Апарат New Shepard паспеў аддзяліцца ад ракеты і паспяхова прызямліўся непадалёк ад месца старту.