Алеся Чапкевич world 3 лістапада 2026, 20:26

Больше ніякай GTA V у браўзеры: Anthropic забараніла Claude кланаваць чужыя відэагульні

Anthropic абнавіла правілы для сваёй нейрасеткі Claude: мадэль будзе адмаўляць карыстальнікам у просьбе ўзнаўляць існуючыя відэагульні, піша Engadget.

Пакінуць каментарый

Дадай у Google

Больше ніякай GTA V у браўзеры: Anthropic забараніла Claude кланаваць чужыя відэагульні

Anthropic абнавіла правілы для сваёй нейрасеткі Claude: мадэль будзе адмаўляць карыстальнікам у просьбе ўзнаўляць існуючыя відэагульні, піша Engadget.

Навінку заўважылі карыстальнікі Х. У кодзе Claude з’явілася інструкцыя: «Стварай арыгінальныя гульні, праекты ў пэўных жанрах або гульні паводле ўласнага дызайну і рэсурсаў карыстальніка. Не стварай копіі канкрэтных існуючых гульняў, нават калі яны перайменаваныя або названыя арыгінальнымі».

Інфармацыю афіцыйна пацвердзіў супрацоўнік Anthropic Эдзі Асмані. У каментары пад постам у X ён растлумачыў, што ў сістэмны промпт Claude Code на базе мадэлі Opus 5.5 дадалі два сказы, каб перашкодзіць карыстальнікам парушаць аўтарскія правы. Асмані падкрэсліў, што абмежаванне не закране арыгінальныя ідэі, жанравыя праекты і гульні, створаныя на аснове ўласных напрацовак карыстальніка, і прапанаваў пісаць напрамую яму, калі Claude раптам адмовіцца збіраць ваш асабісты праект.

We added two sentences to Claude Code’s prompt on Opus 5.5 to steer it away from recreating someone else’s specific game because using Claude to infringe IP is against our usage policy. Original games, genre games, and games built from your own designs and assets are meant to keep working. We’ll continue to iterate to ensure we’re striking the right balance. In the meantime, if Claude turns down something that’s yours, send it my way.
— Addy Osmani (@addyosmani) October 30, 2026

Абнаўленне выйшла на фоне буму ШІ-кланавання культавых гульняў. З дапамогай нейрасетак энтузіясты дэкампілявалі і перанеслі ў браўзер такія гульні, як Halo: Combat Evolved, Call of Duty: Modern Warfare 2 і Grand Theft Auto V.

Для самой Anthropic пытанні інтэлектуальнай уласнасці даўно сталі балючымі. Летась кампанія пагадзілася выплаціць рэкордныя $1,5 млрд паводле калектыўнага іску ад 500 тысяч аўтараў, якія абвінавацілі яе ў выкарыстанні абароненых аўтарскімі правамі кніг для навучання мадэляў. Зусім нядаўна аналагічны іск супраць кампаніі падалі спадчыннікі Элвіса Прэслі.