Швейцарскі воблачны правайдэр Proton даследаваў больш за 9600 зарэгістраваных у Еўропе кампаній, каб даведацца, якія сэрвісы і праграмы яны выкарыстоўваюць. Аказалася, што каля 75% мясцовых публічных кампаній спадзяюцца на амерыканскіх ІТ-вэндараў. Эксперты лічаць, што ў рэгіёне ёсць праблема з лічбавым суверэнітэтам.
Швейцарскі воблачны правайдэр Proton даследаваў больш за 9600 зарэгістраваных у Еўропе кампаній, каб даведацца, якія сэрвісы і праграмы яны выкарыстоўваюць. Аказалася, што каля 75% мясцовых публічных кампаній спадзяюцца на амерыканскіх ІТ-вэндараў. Эксперты лічаць, што ў рэгіёне ёсць праблема з лічбавым суверэнітэтам.
Больш за ўсё ад замежных пастаўшчыкоў залежаць Ісландыя, Нарвегія, Ірландыя, Фінляндыя і Швецыя. У гэтых краінах больш за 90% кампаній карыстаюцца амерыканскімі воблачнымі сэрвісамі. Менш за ўсё на заакіянскіх партнёраў спадзяюцца Балгарыя, Румынія і Славакія (16%, 39% і 43% адпаведна).
Аналітыкі папярэджваюць, што краіны, якія моцна залежаць ад амерыканскіх тэхналогій, могуць быць схільныя да ўздзеяння ШІ, замежнага ціску і так званага «сачэння без ордэра». «Лічбавы суверэнітэт — гэта ілюзія, калі інфраструктура Еўропы кантралюецца з-за мяжы. Каб забяспечыць сваю будучыню, Еўропа павінна інвеставаць у еўрапейскія сэрвісы», — адзначаецца ў справаздачы.
Эксперты Proton кажуць пра рызыкі для нацыянальнай бяспекі, якія могуць узнікнуць пры выкарыстанні замежных паслуг. Напрыклад, адміністрацыя Трампа можа прымусіць ІТ-гігантаў дзяліцца канфідэнцыйнай інфармацыяй са спецслужбамі ЗША.
У Вялікабрытаніі 94% публічных софтверных і 82% хардверных кампаній цалкам залежаць ад амерыканскіх тэхналогій. Яе залежнасць ад амерыканскіх паслуг аналітыкі называюць «шакуючай, так як гэта краіна, у якой знаходзіцца тэхналагічны сектар вартасцю $1,1 трлн, буйнейшы ў Еўропе і трэці па велічыні ў свеце». У банкаўскім і тэлекамунікацыйным сектары Вялікабрытаніі амерыканскія воблачныя сэрвісы выкарыстоўваюць 95% кампаній.
У справаздачы таксама гаворыцца, што шэсць іспанскіх галін «на 100%» залежаць ад амерыканскіх тэхналогій, уключаючы крытычна важныя — энергетыку і банкаўскую. Усе біятэхналагічныя і фармацэўтычныя кампаніі Ірландыі выкарыстоўваюць амерыканскія тэхналогіі.
Рэлацыраваліся? Цяпер вы можаце каментаваць без верыфікацыі акаўнта.