Брэнд Apple першым у свеце стаў каштаваць $1 трлн

Брэнд Apple за год дадаў 15%. Днямі Apple паказала АІ-навінкі, якія, як чакаецца, адродзяць усё меншы попыт на яе смартфоны. Учора яе каціроўкі падскочылі больш як на 7% і абнавілі гістарычны рэкорд.

«Яблычная» кампанія ўтрымлівае першы радок трэці год запар. За ёй ідуць Google ($753 млрд), Microsoft ($713 млрд) і Amazon ($577 млрд). Nvidia ўпершыню ўвайшла ў топ-10 спіса — адразу на 6 месца. Брэнд чыпмэйкера падаражэў амаль у тры разы да $200 млрд. Таксама на 9 месца паднялася Oracle, якая прапаноўвае воблачныя паслугі на базе АІ. Яе брэнд ацэньваецца ў $145 млрд (+58%).

Рэйтынг складзены на аснове аналізу больш як 4,3 млн водгукаў спажыўцоў у 532 катэгорыях. Была даследаваная 21 тысяча брэндаў у 54 краінах.