Аддзел навін ИТ-хандра 1 снежня 2023, 09:55

Broadcom скарачае 1300 супрацоўнікаў VMware, якую купіла год таму

Чыпмэйкер Broadcom звольніць 1267 супрацоўнікаў VMware у Каліфорніі, піша Bloomberg.

Скарачэнні пачнуцца 26 студзеня і закрануць штаб-кватэру VMware у Апала-Альта. Яна працягне працаваць.

Broadcom, адная з найбуйнейшых кампаній у паўправадніковай сферы, абвясціла аб куплі VMware у маі мінулага года. Сума ўгоды, якая стала буйным крокам вытворцы чыпаў у свет софту, склала $61 млрд. Яна была закрытая пры канцы лістапада.

Скарачэнні дапамогуць знізіць выдаткі ў рамках кансалідацыі аперацыйных працэсаў з набытай кампаніяй — гэта тычыцца спецыялістаў па продажах, эйчараў і шэрагу іншых функцый, — каб утрымаць інжынераў.

VMware была заснаваная ў 1998 годзе. Сёння гэта найбуйнейшы распрацоўшчык софту для віртуалізацыі. На момант закрыцця ўгоды штат кампаніі налічваў каля 38,3 тысячы чалавек.