Николай Чикишев 27 сакавіка 2023, 17:31

Былы кіраўнік Google China распрацоўвае свой АІ

Былы прэзідэнт Google China, венчурны інвестар Лі Кайфу заявіў, што запускае АІ-інструмент Project AI 2.0.

Паводле слоў Кайфу, гэта не чарговы чат-бот, а паўнавартасны інструмент, які зменіць падыход да карыстальніцкіх інтэрфейсаў і іх узаемадзеяння на розных узроўнях. Кампанія бізнэсоўца плануе прыцягнуць найлепшых распрацоўшчыкаў з усяго свету.

Кайфу ўпэўнены, што Project AI 2.0 зможа вылучыцца праз шырэйшы ахоп аўдыторыі на глабальным рынку. Раней кітайскія тэхналагічныя кампаніі, уключаючы Baidu, Alibaba і Tencent, анансавалі свае версіі чат-ботаў, падобных да ChatGPT.