Кіраўнік Google DeepMind Дэміс Хасабіс лічыць, што да сапраўднага AGI — агульнага ШІ, здольнага мысліць як чалавек, — яшчэ трэба дажыць. І праблема не ў магутнасці мадэляў, а ў тым, што ім пакуль не хапае некалькіх ключавых уласцівасцяў. Пра гэта ён казаў на ШІ-саміце ў Нью-Дэлі.
Кіраўнік Google DeepMind Дэміс Хасабіс лічыць, што да сапраўднага AGI — агульнага ШІ, здольнага мысліць як чалавек, — яшчэ трэба дажыць. І праблема не ў магутнасці мадэляў, а ў тым, што ім пакуль не хапае некалькіх ключавых уласцівасцяў. Пра гэта ён казаў на ШІ-саміце ў Нью-Дэлі.
Першае — бесперапыннае навучанне. Сённяшнія мадэлі, па сутнасці, «замарожаныя» пасля навучання: яны не вучацца на ўласным досведзе ў рэальным часе. У ідэале ж сістэма павінна пастаянна данавучацца, улічваць кантэкст і падладжвацца пад канкрэтныя задачы і карыстальніка.
Другое — доўгатэрміновае планаванне. ШІ ўжо ўмее будаваць планы на кароткі гарызонт, але мысліць на гады наперад, як гэта робяць людзі, ён пакуль не можа. Гэтая здольнасць, паводле Хасабіса, усё яшчэ адсутнічае.
Трэцяе — кансістэнтнасць, або стабільнасць. Сучасныя сістэмы могуць вырашаць вельмі складаныя задачы і адначасова памыляцца ў элементарных рэчах, калі пытанне сфармулявана крыху інакш. «У сапраўднага агульнага інтэлекту не павінна быць такой «рванасці», — кажа ён.
Год таму Хасабіс ацэньваў тэрміны з’яўлення паўнавартаснага AGI ў 5-10 гадоў. Яго лабараторыя, заснаваная ў 2010 годзе і купленая Google у 2014-м, стаіць за мадэллю Gemini. А ў 2024 годзе ён атрымаў Нобелеўскую прэмію па хіміі за працу па прадказанні структуры бялкоў.
У індустрыі няма адзінага меркавання наконт AGI. Напрыклад, кіраўнік Databricks Алі Годсі лічыць, што сучасныя чат-боты ўжо можна назваць агульным ШІ, проста крытэрыі пастаянна «зрушваюцца» ў бок звышінтэлекту.
Рэлацыраваліся? Цяпер вы можаце каментаваць без верыфікацыі акаўнта.