Кіраўнік і сузаснавальнік Google DeepMind Дэміс Хасабіс лічыць, што некаторыя ШІ-стартапы выглядаюць ненадзейна і ў сферы фарміруюцца «бурбалкі» (у множным ліку). Асабліва, па яго меркаванні, гэта тычыцца стартапаў на ранніх стадыях і іх завышаных ацэнках.
Кіраўнік і сузаснавальнік Google DeepMind Дэміс Хасабіс лічыць, што некаторыя ШІ-стартапы выглядаюць ненадзейна і ў сферы фарміруюцца «бурбалкі» (у множным ліку). Асабліва, па яго меркаванні, гэта тычыцца стартапаў на ранніх стадыях і іх завышаных ацэнках.
Хасабіс адзначыў, што ў некаторых стартапаў яшчэ нават няма паўнавартасных прадуктаў, але яны збіраюць грошы «пры ацэнках у дзясяткі мільярдаў даляраў».
«Цікава паглядзець, ці спрацуе гэта. Рызыкну меркаваць, што не, прынамсі не ва ўсіх выпадках», — адзначыў ён у свежым выпуску падкаста Google DeepMind: The Podcast.
Хасабіс лічыць, што нельга ставіць на адну дошку дзве рэчы: мільярдныя пасяўныя раўнды стартапаў і мільярдныя інвестыцыі тэхнагігантаў у ШІ-інфраструктуру. Па той простай прычыне, што за рынкавымі капіталізацыямі бігтэхаў стаіць «рэальны буйны бізнес». Ён дадаў, што ў кароткатэрміновым плане з хайпам вакол ШІ відавочна перабор, але ў доўгатэрміновай перспектыве тэхналогію наадварот недаацэньваюць.
«Калі я ствараў DeepMind, у гэта ніхто не верыў. Прайшло 10 гадоў, 15, а цяпер у дзелавых колах усе толькі пра гэта і гавораць», — адзначае прадпрымальнік. І дадае, што такі паварот часта прыводзіць да занадта моцнага і хуткага росту ацэнак.
Хасабіс кажа, што не вельмі турбуецца аб бурбалцы на рынку ШІ, бо занадта заняты сваёй справай. Менавіта ў Google DeepMind распрацоўваюць мадэлі пад капотам прадуктаў Google, уключаючы Gemini.
Рэлацыраваліся? Цяпер вы можаце каментаваць без верыфікацыі акаўнта.