world 3 чэрвеня 2025, 14:30

Чат-бот Character.AI цяпер генеруе ролікі з персанажамі па фота і голасе

Платформа для зносін і ролевых гульняў з ШІ-персанажамі абвясціла пра запуск шэрагу новых функцый, якія дазваляюць ствараць ролікі з удзелам аватараў і дзяліцца імі ў стужцы.

Пакінуць каментарый

Чат-бот Character.AI цяпер генеруе ролікі з персанажамі па фота і голасе

Платформа для зносін і ролевых гульняў з ШІ-персанажамі абвясціла пра запуск шэрагу новых функцый, якія дазваляюць ствараць ролікі з удзелам аватараў і дзяліцца імі ў стужцы.

Character.AI пачала ўкараняць функцыю AvatarFX для падпісчыкаў у мінулым месяцы, а цяпер усе карыстальнікі могуць ствараць да пяці ролікаў у дзень. Пры стварэнні відэа ў AvatarFX карыстальнікі могуць загрузіць фатаграфію, якая стане асновай для кліпа, выбраць голас і напісаць дыялог для персанажа. Таксама ёсць магчымасць загрузіць аўдыяфайл для наладжвання голасу.

Карыстальнікі могуць ператвараць ролікі ў Scenes — сцэны з загадзя падрыхтаванымі сюжэтамі, створанымі іншымі карыстальнікамі. Функцыя Scenes ужо даступная ў мабільнай аплікацыі, а функцыя Streams, якая дазваляе ствараць «дынамічныя моманты» паміж двума персанажамі, з’явіцца ў вэб-версіі і мабільным дадатку на гэтым тыдні. Гэтыя сцэны і стрымы можна будзе публікаваць у новай сацыяльнай стужцы, якая хутка стане даступная ў аплікацыі.

testing the anti-deepfake guardrails on character ai’s avatarfx

[image or embed]
— Amanda Silberling (@amanda.omg.lol) 2 июня 2025 г. в 22:47

У платформы Character.AI супярэчлівая рэпутацыя сярод бацькоў: многія падавалі пазовы супраць кампаніі, сцвярджаючы, што чат-боты заахвочвалі іх дзяцей да самапашкоджанняў, самагубства або нават да пагрозаў у адрас бацькоў. У адным трагічным выпадку 14-гадовы падлетак скончыў жыццё самагубствам пасля таго, як чат-бот Character.AI, да якога ў яго развілася нездаровая прывязанасць, правакаваў яго.