Беларусы змогуць атрымаць шэнгенскую візу для паездак у Чэхію з мэтай наведвання сваякоў — грамадзян Чэхіі альбо грамадзян Беларусі, якія доўгатэрмінова пражываюць тут. Пра гэта паведамляецца на сайце Пасольства Чэхіі ў Мінску.
Беларусы змогуць атрымаць шэнгенскую візу для паездак у Чэхію з мэтай наведвання сваякоў — грамадзян Чэхіі альбо грамадзян Беларусі, якія доўгатэрмінова пражываюць тут. Пра гэта паведамляецца на сайце Пасольства Чэхіі ў Мінску.
Заяўку могуць падаваць сваякі па прамой узыходзячай або зыходзячай лініі грамадзян Чэхіі і грамадзян Беларусі, якія пражываюць на падставе дзейснай доўгатэрміновай візы або дзейснага дазволу на доўгатэрміновае ці пастаяннае знаходжанне ў Чэхіі. Да сваякоў па прамой лініі адносяцца дзеці, унукі, бацькі, бабулі і дзядулі. Не адносяцца — сёстры і браты (родныя і стрыечныя), цёткі і дзядзькі.
Электронныя лісты для гэтых шэнгенскіх віз амбасада пачынае прымаць з 10 лістапада на электронны адрас [email protected]. Адказ з прызначанай датай і часам для падачы заяўкі абяцаюць даслаць у найкарацейшы магчымы тэрмін таксама на імэйл. У адным лісце можна падаць толькі аднаго заяўніка.
У лісце трэба ўказаць імя і прозвішча запрашальніка і заяўніка лацінкай паводле пашпарта, тып і мэту візы, кантакты заяўніка (мэйл і тэлефон) і нумар пашпарта. Без гэтых дадзеных ліст разглядацца не будзе. Таксама трэба прыкласці скан апошняй старонкі пашпарта, копію дакумента пра мэту паездкі (заверанае запрашэнне), копію дакументаў пра сваяцтва, а таксама сканы дакументаў таго, хто запрашае — пашпарта, візы або карткі знаходжання.
Падрабязна пра правілы падачы можна прачытаць тут.
Релоцировались? Теперь вы можете комментировать без верификации аккаунта.