Кампанія Anthropic прадставіла новую функцыю Routines для сервісу Claude Code, якая пераводзіць працу з кодам у цалкам аўтаномны рэжым. Гэта загадзя наладжаныя сцэнарыі, у якіх ШІ сам выконвае задачы без удзелу карыстальніка.
Кампанія Anthropic прадставіла новую функцыю Routines для сервісу Claude Code, якая пераводзіць працу з кодам у цалкам аўтаномны рэжым. Гэта загадзя наладжаныя сцэнарыі, у якіх ШІ сам выконвае задачы без удзелу карыстальніка.
Routines наладжваюцца адзін раз: карыстальнік задае задачу, выбірае мадэль, падключае рэпазіторыі і вызначае ўмовы запуску. Сцэнарый можа запускацца па раскладзе (напрыклад, кожную ноч), па API-запыце або аўтаматычна пры падзеях у GitHub — такіх як адкрыццё pull request, коміт або рэліз. Адзін сцэнарый можа камбінаваць некалькі трыгераў адначасова, напрыклад правяраць код пры кожным новым PR і дадаткова запускацца раз у суткі.
Функцыя арыентавана на паўтаральныя задачы распрацоўкі. Сярод тыповых кейсаў: начное сартаванне і прыярытэтызацыя багаў, аўтаматычны код-рэвью паводле чэк-лістоў каманды, праверка прадакшн-дэплояў на памылкі, абнаўленне дакументацыі пры змене API або перанос зменаў паміж версіямі бібліятэк на розных мовах. У шэрагу сцэнарыяў ШІ не проста знаходзіць праблему, а адразу прапануе выпраўленне, напрыклад, стварае чарнавік pull request з гатовым патчам.
Сістэма можа быць інтэграваная з вонкавымі сервісамі праз канектары, у тым Slack, Asana ды іншыя інструменты. Гэта дазваляе, напрыклад, аўтаматычна адпраўляць справаздачы камандзе, ствараць задачы або апавяшчаць пра крытычныя памылкі. Пры гэтым кожнае дзеянне выконваецца ад імя карыстальніка — з яго правамі доступу да рэпазіторыяў і сервісаў.
Тэхнічна кожны запуск Routines — гэта асобная воблачная сесія Claude Code. Падчас выканання ШІ можа працаваць з кодам, запускаць каманды, аналізаваць логі і ўзаемадзейнічаць з падключанымі сервісамі. Усе змены захоўваюцца ў асобных ветках рэпазіторыя, а распрацоўшчык можа пазней прагледзець вынік, прыняць або адхіліць праўкі.
Routines пакуль даступны ў рэжыме research preview для карыстальнікаў тарыфаў Pro, Max, Team і Enterprise. У залежнасці ад плана дзейнічае ліміт — ад 5 да 25 запускаў у дзень. Таксама прадугледжаныя абмежаванні на колькасць падзей з GitHub і частату запускаў. У Anthropic адзначаюць, што функцыянальнасць будзе пашырацца, у тым падтрыманне новых крыніц падзей і больш гнуткія сцэнарыі аўтаматызацыі.
Релоцировались? Теперь вы можете комментировать без верификации аккаунта.