Кампанія пашырыла магчымасці бясплатнай версіі Claude. Цяпер карыстальнікам без падпіскі даступныя функцыі стварэння файлаў, падключэнне знешніх сэрвісаў, выкарыстанне Skills і пашыраныя дыялогі.
Кампанія пашырыла магчымасці бясплатнай версіі Claude. Цяпер карыстальнікам без падпіскі даступныя функцыі стварэння файлаў, падключэнне знешніх сэрвісаў, выкарыстанне Skills і пашыраныя дыялогі.
Карыстальнікі Claude без падпіскі могуць ствараць і рэдагаваць файлы Excel, PowerPoint, Word і PDF. Раней гэтая магчымасць была даступная толькі падпісчыкам. Генерацыя файлаў працуе на базе мадэлі Sonnet 4.5. Акрамя таго, бясплатны тарыф атрымаў доступ да Connectors — інструментаў для падключэння старонніх сэрвісаў, уключаючы Canva, Slack, Notion, Zapier і PayPal.
Anthropic таксама адкрыла доступ да функцыі Skills, якая дазваляе навучаць Claude выконваць паўтаральныя задачы на аснове загадзя загружаных інструкцый і сцэнароў. Сярод іншых абнаўленняў — больш доўгія дыялогі, інтэрактыўныя адказы, а таксама палепшаны галасавы рэжым і пошук па выявах.
Паралельна кампанія пашырае экасістэму вакол Claude. Распрацоўшчыкі выпусцілі версію ШІ-асістэнта Claude Cowork для Windows (раней яна была даступная толькі на macOS). Аплікацыя падтрымлівае доступ да файлаў, выкананне шматкрокавых задач, плагіны і MCP-канэктары для інтэграцыі знешніх сэрвісаў. Версія для Windows пакуль знаходзіцца ў статусе Research Preview і даступная платным падпісчыкам.
Рэлацыраваліся? Цяпер вы можаце каментаваць без верыфікацыі акаўнта.