Алеся Чапкевич world 29 верасня 2025, 17:00

CTO Meta склаў план для менеджараў, як вырашаць канфлікты на працы

Канфлікты на працы непазбежныя, і нярэдка менавіта менеджарам даводзіцца разруліваць самыя напружаныя сітуацыі. Тэхнічны дырэктар Meta Эндру Басворт выклаў чатырохкрокавую схему, якая, па яго словах, не раз дапамагала яму ў міжасобасных сутыкненнях. Па яго словах, галоўнае ў канфлікце — шукаць каштоўную зваротную сувязь, а не дазваляць свайму эга дыктаваць рэакцыю.

Пакінуць каментарый

CTO Meta склаў план для менеджараў, як вырашаць канфлікты на працы

Канфлікты на працы непазбежныя, і нярэдка менавіта менеджарам даводзіцца разруліваць самыя напружаныя сітуацыі. Тэхнічны дырэктар Meta Эндру Басворт выклаў чатырохкрокавую схему, якая, па яго словах, не раз дапамагала яму ў міжасобасных сутыкненнях. Па яго словах, галоўнае ў канфлікце — шукаць каштоўную зваротную сувязь, а не дазваляць свайму эга дыктаваць рэакцыю.

Па-першае, кажа Басворт, трэба ўважліва выслухаць бок, які лічыць сябе закранутым. Важна даць чалавеку магчымасць расказаць сваю версію падзей і паказаць, што яго пачуцці ўспрымаюць сур’ёзна.
Па-другое, трэба папрасіць гэты бок сканцэнтравацца на сутнасці канфлікту. У любой сітуацыі ёсць канструктыўная крытыка, якую варта прыняць пад увагу, нават калі эмоцыі перашкаджаюць яе ўбачыць.
Трэці крок — звярнуцца да другога боку і прапанаваць зірнуць на сітуацыю шырэй, улічваючы абставіны, якія ўплываюць на пазіцыю апанента. Для прыкладу Басворт расказаў, як новы супрацоўнік аднойчы раскрытыкаваў інструмент, створаны інжынерам Meta. Басворт прапанаваў паглядзець на сітуацыю глыбей: магчыма, праблема ў тым, што распрацоўшчык не атрымаў дастаткова інвестыцый, каб палепшыць прадукт.
Нарэшце, трэба пасадзіць абодва бакі за стол і прапанаваць ім знайсці агульную мову. Менавіта гэты этап адкрывае шлях да сапраўднага прымірэння, сцвярджае Басворт.

Ён дадаў, што ўжывае гэты метад настолькі часта, што навучыўся заўважаць падобныя канфлікты ў сабе самім: эмацыйная рэакцыя рэдка бывае прадуктыўнай, і значна карысней знайсці ў сітуацыі рацыянальнае зерне.

Методыка Басворта асабліва актуальная на фоне таго, што Meta апошнія гады скарачае колькасць менеджараў. Марк Цукерберг яшчэ ў 2023 годзе заяўляў, што «flatter is faster» — маючы менш узроўняў кіравання, кампанія больш паваротлівая. Ён наўпрост казаў, што не любіць, калі «менеджары кіруюць менеджарамі, якія кіруюць менеджарамі», а не людзьмі, якія ўласна робяць працу.

Гэта ўскладняе задачу для менеджараў, што засталіся: ім даводзіцца весці больш каманд і часцей сутыкацца з канфліктамі. Паколькі тэндэнцыя на спрашчэнне іерархіі ёсць і ў іншых арганізацыях, падыход Басворта можа спатрэбіцца не толькі ўнутры Meta.