Николай Чикишев world 21 мая 2026, 12:05

DeepSeek рыхтуе канкурэнта Claude Code і Codex

Кітайскі распрацоўшчык рыхтуе ўласны ШІ-інструмент для праграмавання, які павінен канкурыраваць з Claude Code ад Anthropic, Codex ад OpenAI, Cursor і GitHub Copilot.

Пакінуць каментарый

DeepSeek рыхтуе канкурэнта Claude Code і Codex

Кітайскі распрацоўшчык рыхтуе ўласны ШІ-інструмент для праграмавання, які павінен канкурыраваць з Claude Code ад Anthropic, Codex ад OpenAI, Cursor і GitHub Copilot.

Паводле дадзеных The Decoder і 36Kr, кітайская ШІ-кампанія фармуе ў Пекіне асобную каманду Harness. У кантэксце ШІ-кодынгу harness азначае ўсё, што знаходзіцца паверх мадэлі: кіраванне кантэкстам, планаванне крокаў, памяць, выклік інструментаў, праца з файламі, тэрміналам, тэстамі і зваротнай сувяззю. Іншымі словамі, мадэль адказвае за разважанне і генерацыю кода, а harness дазваляе ёй выконваць рэальныя задачы ў некалькі этапаў.

Пра вакансіі расказаў супрацоўнік DeepSeek Дэлі Чэн. Цяпер кампанія шукае продакт-менеджара і R&D-інжынера. У апісанні вакансіяў гаворыцца, што кандыдаты павінны актыўна карыстацца Claude Code, Cursor, Codex, GitHub Copilot ды іншымі інструментамі для ШІ-кодынгу. Сярод патрабаванняў таксама пазначаны разуменне агентных цыклаў, пратаколу MCP, шматагентных сістэмаў, кіравання кантэкстам і вайб-кодынг.

Мяркуючы па апісанні, DeepSeek хоча стварыць не проста памочніка для генерацыі кода, а паўнавартаснага кодынг-агента, які зможа самастойна планаваць працу, выклікаць інструменты, запускаць праверкі і выконваць задачы ў асяроддзі распрацоўшчыка. Гэта ставіць праект у прамую канкурэнцыю з Claude Code, Codex, Cursor ды іншымі агентнымі інструментамі для праграмістаў.

DeepSeek ужо рыхтавалася да гэтага. У афіцыйнай дакументацыі кампаніі ёсць інструкцыі па падключэнні мадэляў DeepSeek да існуючых кодынг-інструментаў, уключаючы Claude Code, OpenCode і OpenClaw. Напрыклад, для Claude Code прапануецца выкарыстоўваць DeepSeek Anthropic API і мадэлі DeepSeek для асноўных і субагентных задач. 36Kr таксама піша, што DeepSeek V4, прадстаўленая ў красавіку, ужо была аптымізавана пад агентныя сцэнарыі, разважанне і працу з папулярнымі агентнымі сервісамі.