Аддзел навін ИТ-хандра 27 сакавіка 2024, 10:47

Dell звольніла 13 тысяч чалавек летась праз спад на рынку ПК

За мінулы фіскальны год штат Dell Technologies скараціўся на 13 тысяч супрацоўнікаў, паведамляе Bloomberg.

Паводле дакументаў, станам на 2 лютага (канец 2024 фінансавага года) ва ўсім свеце ў Dell працавала 120 тысяч чалавек. Гэта на 10% менш, чым годам раней. Вытворца камп’ютарнага абсталявання адзначыў, што на працягу года спрабаваў зніжаць выдаткі і прымаў складаныя рашэнні.

На пачатку 2023 года на фоне нізкіх продажаў ПК Dell абвясціла, што збіраецца звольніць прыкладна 6650 супрацоўнікаў. У выніку працу страціла амаль удвая больш, чым планавалася першапачаткова.

Між тым увагу інвестараў да Dell ў апошні год прыцягнуў попыт на высокамагутныя серверы, патрэбныя для АІ-задач. Каціроўкі кампаніі наблізіліся да рэкордных значэнняў пасля таго, як яна абвясціла пра цікавасць кліентаў да «сервераў, аптымізаваных для АІ».