Брусель праводзіць пераацэнку спраў тэхналагічных кампаній з ЗША, такіх як Apple, Meta і Google, паведамляе Financial Times са спасылкай на дасведчаныя крыніцы. Раней бігтэхі заклікалі Дональда Трампа, які рыхтуецца да інаўгурацыі, умяшацца праз залішне пільную ўвагу да іх з боку еўрапейскіх рэгулятараў.
Брусель праводзіць пераацэнку спраў тэхналагічных кампаній з ЗША, такіх як Apple, Meta і Google, паведамляе Financial Times са спасылкай на дасведчаныя крыніцы. Раней бігтэхі заклікалі Дональда Трампа, які рыхтуецца да інаўгурацыі, умяшацца праз залішне пільную ўвагу да іх з боку еўрапейскіх рэгулятараў.
Перагледжаныя будуць усе расследаванні, адкрытыя ад сакавіка 2024 года ў рамках еўрапейскага Закона пра лічбавыя рынкі. У выніку Еўракамісія можа паменшыць іх маштаб або змяніць кірунак.
Гэта адбываецца на фоне хуткага ўступлення на пасаду Трампа і ўсё большага ціску на ЕС за надта строгі падыход да амерыканскіх кампаній у гучных справах. Адзін з еўрапейскіх дыпламатаў адзначыў, што тэхнаалігархі ЗША, якія чакаюць змякчэння ўмоў для галіны ад Трампа, выкарыстоўваюць свае сувязі з ім, каб прасоўваць свае інтарэсы. Напрыклад, Марк Цукерберг нядаўна заклікаў Трампа зрабіць так, каб ЕС перастаў штрафаваць амерыканскія кампаніі — паводле ягоных слоў, за апошнія 20 гадоў амерыканскія кампаніі былі аштрафаваныя ў рэгіёне больш чым на $30 млрд.
Усе рашэнні і магчымыя штрафы будуць прыпыненыя на час правядзення рэв’ю, аднак тэхнічная праца ў справах працягнецца, растлумачылі суразмоўцы Financial Times. Паводле іх слоў, цяпер еўрапейскія рэгулятары чакаюць указанняў ад палітычнага кіраўніцтва, каб прыняць канчатковыя пастановы ў справах трох згаданых кампаній.
Еўракамісія між тым заявіла, што застаецца «цалкам прыхільная эфектыўнаму прымяненню» закона. Прадстаўнік рэгулятара адзначыў, што бягучыя справы «яшчэ не гатовыя на тэхнічным узроўні» і што падобныя расследаванні патрабуюць часу ў сувязі са сваёй складанасцю і навізной, а таксама неабходнасцю забяспечыць юрыдычную справядлівасць рашэнняў.
Рэлацыраваліся? Цяпер вы можаце каментаваць без верыфікацыі акаўнта.