Распрацоўшчык інструмента для кодынгу Anthropic Барыс Чорны закрануў адну з самых балючых тэм сучаснага бізнесу — як рэальна ацэньваць акупнасць выдаткаў на штучны інтэлект. На ягоную думку, стандартныя карпаратыўныя справаздачы вымяраюць зусім не тое.
Распрацоўшчык інструмента для кодынгу Anthropic Барыс Чорны закрануў адну з самых балючых тэм сучаснага бізнесу — як рэальна ацэньваць акупнасць выдаткаў на штучны інтэлект. На ягоную думку, стандартныя карпаратыўныя справаздачы вымяраюць зусім не тое.
Цяпер большасць кампаній ацэньваюць эфектыўнасць ШІ паводле аб’ёмаў спажывання токенаў і разглядаюць прыгожыя графікі актыўнасці супрацоўнікаў на дашбордах. Чорны перакананы, што гэтыя лічбы паказваюць толькі мітусню, а не рэальную аддачу ад інвестыцый. Замест гэтага ён прапануе кіраўнікам задаваць сабе адно простае пытанне: «Ці выдавалі б мы рэсурсы інжынераў на гэтую задачу ўручную?»
«Калі так, то колькі часу гэта заняло б і ва колькі б абышлося ў чалавека-гадзінах ручной працы распрацоўшчыкаў? Вось гэта і ёсць ваша сапраўдная акупнасць», — адзначыў стваральнік Claude Code.
Once your teams are bought in, how do you track it? Usage is worth watching (e.g. a dashboard), but it measures activity, not return. A better question: would you have spent engineering effort on this anyway? If yes, how much and what would it have cost in manual eng-hours?..
— Boris Cherny (@bcherny) July 17, 2026
Ён лічыць, што галоўны прарыў адбываецца тады, калі рутыннае выпраўленне багаў і падтрымка кода непрыкметна адыходзяць на другі план і цалкам закрывае ШІ. У гэты момант каманды распрацоўшчыкаў могуць нарэшце сканцэнтравацца на стварэнні і пачаць будаваць прадукты, якія раней для кампаніі былі папросту недасяжныя.
Гэтая дыскусія разгортваецца на фоне таго, як першая хваля сляпога захаплення нейрасеткамі сціхла. Бізнес сутыкнуўся з суровай рэальнасцю: выдаткі на тэхналогіі імкліва растуць, а іх каштоўнасць не заўсёды відавочная. І пакуль адны тэхгіганты шукаюць спосабы скараціць бюджэты — напрыклад, пераходзячы на больш танныя кітайскія мадэлі, — эксперты заклікаюць ацэньваць ШІ не паводле затрачанай вылічальнай магутнасці, а паводле часу, які ён зэканоміў жывым людзям.
Релоцировались? Теперь вы можете комментировать без верификации аккаунта.