У студзені–траўні сёлета Польшча выдала грамадзянам Беларусі 12 113 відаў на жыхарства. Гэта вынікае з актуальнай статыстыкі Упраўлення па справах замежнікаў. Для параўнання: за ўвесь 2025 год было выдадзена 34,2 тысячы, у 2024-м — 42,2 тысячы, а ў 2023-м — 59,3 тысячы.
У студзені–траўні сёлета Польшча выдала грамадзянам Беларусі 12 113 відаў на жыхарства. Гэта вынікае з актуальнай статыстыкі Упраўлення па справах замежнікаў. Для параўнання: за ўвесь 2025 год было выдадзена 34,2 тысячы, у 2024-м — 42,2 тысячы, а ў 2023-м — 59,3 тысячы.
За пяць месяцаў 2026 года часовы ВНЖ у Польшчы атрымалі 10 134 беларусы, 1 599 чалавек — ПМЖ, 380 — статус рэзідэнта ЕС. Адмову па заяўках на ВНЖ атрымалі 1 374 беларусы, 598 спраў былі спыненыя.
Сёлета заявы на атрыманне ВНЖ у Польшчы падалі 23 280 грамадзян Беларусі. За ўвесь мінулы год было пададзена 52,6 тысячы, а ў 2023-м — 85,8 тысячы.
Усяго ў Польшчы да 1 чэрвеня дазвол на пражыванне мелі 135 876 грамадзян Беларусі — мінус 1840 у параўнанні з 1 траўня. Сярод іх 80 768 мелі часовы ВНЖ, 41 294 — ПМЖ, 2412 — статус рэзідэнта ЕС. Агульны паказчык складаў 144 219 беларусаў да 1 студзеня і з таго часу стабільна зніжаецца.
За пяць месяцаў 2026 года беларусы атрымалі ў Польшчы 2737 праязных дакументаў. Яны выдаюцца асобам, у якіх скончыўся тэрмін дзеяння пашпарта, але якія не могуць атрымаць яго на радзіме. Гэта прыкладна тэмпы мінулага года. Беларусы з’яўляюцца асноўнымі атрымальнікамі такіх дакументаў: з 2020 года грамадзянам нашай краіны Польшча выдала больш за 11 тысяч праязных дакументаў — 87% ад агульнай колькасці, выдадзенай усім замежнікам.
Релоцировались? Теперь вы можете комментировать без верификации аккаунта.