Аддзел навін 6 снежня 2024, 13:23

АІ-стартап Маска прыцягнуў яшчэ $6 млрд — месяц таму прыцягнуў столькі ж

xAI Ілана Маска падняў $6 млрд, піша TechCrunch са спасылкай на дакументацыю, пададзеную стартапам у Камісію па каштоўных паперах і біржах у чацвер.

Пакінуць каментарый

xAI Ілана Маска падняў $6 млрд, піша TechCrunch са спасылкай на дакументацыю, пададзеную стартапам у Камісію па каштоўных паперах і біржах у чацвер.

У раўндзе ўдзельнічалі 97 інвестараў, імёны якіх не ўдакладняюцца. Паводле паведамлення Wall Street Journal, сярод іх меліся прысутнічаць Valor Equity Partners, Sequoia Capital, Andreessen Horowitz і катарскія фонды.

Такім чынам, агульная сума інвестыцый, атрыманых xAI за апошні час, дасягнула $12 млрд. Яшчэ $6 млрд стартап прыцягнуў у лістападзе, падвоіўшы ацэнку да $50 млрд ад часу папярэдняга раўнда вясной. Тады ў маі xAI таксама атрымаў $6 млрд.

Financial Times сцвярджае, што да цяперашняга раўнда былі дапушчаныя толькі тыя інвестары, якія ўдзельнічалі ў папярэднім. Таксама паведамлялася, што інвестарам, якія ўклаліся ва ўгоду Маска па куплі Twitter выдзелілі 25% акцый xAI.

xAI быў запушчаны вясной 2023 года. Неўзабаве кампанія выкаціла «дзёрзкага» чат-бота Grok, гатовага адказваць на пытанні, якія адпрэчваюцца большасцю яго канкурэнтаў. Цяпер на базе яго працуюць некаторыя АІ-функцыі X.