Сервіс Locals.org для арганізацыі суполак і падзей, створаны заснавальнікамі MSQRD Яўгенам Няўгенем і Сяргеем Ганчаром, спыніць працу 31 мая. Паведамленне пра гэта з’явілася ў аплікацыі, хоць на маркетплэйсах і на сайце пакуль няма афіцыйнай інфармацыі.
Сервіс Locals.org для арганізацыі суполак і падзей, створаны заснавальнікамі MSQRD Яўгенам Няўгенем і Сяргеем Ганчаром, спыніць працу 31 мая. Паведамленне пра гэта з’явілася ў аплікацыі, хоць на маркетплэйсах і на сайце пакуль няма афіцыйнай інфармацыі.
Распрацоўшчыкі заявілі, што ўважліва прааналізавалі сітуацыю і прынялі рашэнне закрыць праект. Прычыны не ўдакладняюць. За час працы сервісу карыстальнікі наладзілі больш за 1 млн новых кантактаў, правялі больш за 300 000 сумесных мерапрыемстваў і стварылі больш за 7 500 суполак.
Плацяжы стваральнікам суполак будуць працягвацца па плане праз Stripe. Яны таксама змогуць экспартаваць спісы сваіх удзельнікаў.
Пасля 20 мая нельга будзе ствараць новыя платныя мерапрыемствы і афармляць сяброўства новых удзельнікаў. А з гэтага дня нельга будзе ствараць новыя суполкі і мерапрыемствы. 31 мая дадатак цалкам спыніць працу.
Платформу запусцілі ў 2020 годзе, у праекце ўдзельнічала расейская супермадэль Наталля Вадзянава. У распрацоўку Ганчар і Невгень уклалі больш за $1 млн уласных сродкаў. Невгень распавядаў, што ідэя Locals з’явілася з жадання адрадзіць беларускі праект «МаеСэнс» — платформу для дабрачыннага аўкцыёну сустрэч, дзе ён калісьці працаваў.
У Locals можна было прапаноўваць любую суму за сустрэчу або сумесны досвед. Прадугледжвалася, што 80% сродкаў ад сустрэч будзе накіравана на дабрачыннасць, а 20% — на распрацоўку платформы і рост супольнасці. Манетызаваць праект планавалася праз камісію з транзакцый і дадатковыя платныя опцыі.
Релоцировались? Теперь вы можете комментировать без верификации аккаунта.