Паводле справаздачы польскага Ўпраўлення па справах замежнікаў, са студзеня па красавік 2026 года беларусы атрымалі ў Польшчы 9,6 тысячы відаў на жыхарства (апроч картак, выдадзеных па міжнароднай абароне).
Паводле справаздачы польскага Ўпраўлення па справах замежнікаў, са студзеня па красавік 2026 года беларусы атрымалі ў Польшчы 9,6 тысячы відаў на жыхарства (апроч картак, выдадзеных па міжнароднай абароне).
Як адзначаюць незалежныя беларускія медыя, калі дакумент будзе выдавацца такімі ж тэмпамі, гадавая статыстыка можа апынуцца ніжэй за 2025 год — тады беларусам было выдадзена 34,2 тысячы ВНЖ.
Беларусам адмаўляюць нячаста — больш чым у 86% усіх справаў, разгледжаных за чатыры месяцы, былі вынесены станоўчыя рашэнні. Рэшта атрымалі адмову або справы былі спыненыя.
Большасць беларусаў атрымала часовы ВНЖ — такіх за чатыры месяцы было выдадзена 8049. Таксама за гэты перыяд беларусам было выдадзена 1243 пастаянных ВНЖ і 309 статусаў доўгатэрміновага рэзідэнта ЕС. 65% усіх ВНЖ беларусы атрымалі па працы, яшчэ 24% — па ўз’яднанні сям'і, 4% — для навучання.
«Высокая доля заявак, матываваных працай, у спалучэнні з пастаянна растучай колькасцю доўгатэрміновых рэзідэнтаў пацвярджае стабільны і доўгатэрміновы характар жыццёвых планаў беларусаў у Польшчы», — адзначылі ва Ўпраўленні па справах замежнікаў.
За першыя чатыры месяцы года беларусы атрымалі ў Польшчы 2191 праязны дакумент замежніка, які выдаецца тым, хто не можа атрымаць нацыянальны пашпарт сваёй краіны. Беларусы склалі 96% усіх замежнікаў, якія атрымалі гэты дакумент.
Усяго, паводле дадзеных Упраўлення, на 1 траўня больш за 137,7 тысячы беларусаў мелі дакументы на пражыванне ў Польшчы.
Релоцировались? Теперь вы можете комментировать без верификации аккаунта.
НО если бы некоторые персоны были бы порасторопнее можно было бы и больше. Привет, Катовикому ужонду, по версии журнала "Адский вестник", лучший пыточный филиал ада в Польше.