Інвестыцыйная кампанія Mika Games, створаная сузаснавальнікам Wargaming Мікалаем Кацалапавым, падняла новы раўнд на $10 млн. У ім удзельнічалі новыя і дзеючыя інвестары на чале з фондам Flint Capital. Сродкі пойдуць на тое, каб дапамагчы распрацоўшчыкам мабільных гульняў прайсці фазу софт-лаўнчу, у якой маладыя каманды часцей за ўсё ўпіраюцца ў тупік.
Інвестыцыйная кампанія Mika Games, створаная сузаснавальнікам Wargaming Мікалаем Кацалапавым, падняла новы раўнд на $10 млн. У ім удзельнічалі новыя і дзеючыя інвестары на чале з фондам Flint Capital. Сродкі пойдуць на тое, каб дапамагчы распрацоўшчыкам мабільных гульняў прайсці фазу софт-лаўнчу, у якой маладыя каманды часцей за ўсё ўпіраюцца ў тупік.
Для маладых мабільных студый выхад на рынак ператварыўся ў лагічную пастку: каб атрымаць сур’ёзнае фінансаванне на запуск, інвестары і крэдыторы патрабуюць пацверджаны трэк-рэкорд у маркетынгу. На практыцы гэта азначае некалькі месяцаў паспяховых рэкламных кампаній, $300–500 тысяч ужо выдаткаванага бюджэту і прадказальны зваротны прыбытак. Але каб назапасіць гэтую метрыку, распрацоўшчыкам трэба стартавы капітал, якога ў іх няма.
Сітуацыю пагаршае жорсткі крызіс арганічнага трафіку. Паводле Кацалапава, сусветныя выдаткі на прыцягненне карыстальнікаў у мабільным геймінгу дасягнулі $25 млрд у 2025 годзе, а аб’ём рэкламных паказаў вырас на 20%. Пры гэтым прабіцца навічкам стала амаль немагчыма: колькасць новых тайтлаў у топ-1000 па спампоўках у ЗША ўпала амаль удвая — прыкладна з 200 гульняў у 2020 годзе да крыху больш за 100 у 2024-м. Пры гэтым у большасці жанраў звыш 80% усёй выручкі забіраюць «старажылы», выпушчаныя больш за два гады таму.
«Ранні маркетынгавы капітал сёння наўпрост вызначае, ці даведаюцца гульцы пра праект увогуле. Наша мэта — даць новым тайтлам дастаткова моцы, каб дагрукацца да аўдыторыі», — адзначыў Кацалапаў.
Mika Games працуе паводле камбінаванай мадэлі: кампанія заходзіць у капітал студый на ранняй стадыі і фінансуе саму распрацоўку, але паралельна выдзяляе асобны бюджэт на тэставыя рэкламныя кампаніі. Гэта дазваляе на рэальных лічбах замераць утрыманне гульцоў, маніетызацыю і хуткасць акупнасці рэкламы, каб падрыхтаваць праект да прыцягнення буйных маштабаваных раўндаў.
Фонд быў заснаваны ў 2023 годзе і базіруецца на Кіпры. Усяго ён плануе інвеставаць каля $50 млн у free-to-play праекты. У гэтым годзе Mika Games пашырыла свой партфель з трох да пяці студый. Сярод іх:
Прыцягнутыя грошы пойдуць на дапрацоўку самых прадуктаў і маштабаванне тэставых закупак трафіку для партфельных камандаў.
Релоцировались? Теперь вы можете комментировать без верификации аккаунта.