Самыя запатрабаваныя кандыдаты больш не інжынеры — прынамсі, у Salesforce. Генеральны дырэктар тэхналагічнага гіганта Марк Беніёф падчас квартальнай справаздачы перад інвестарамі заявіў, што за апошнія два гады штат інжынераў у кампаніі практычна не змяніўся і трымаецца на ўзроўні 15 тысяч чалавек. Прычына — у «новых ШІ-агентах для кодынгу», якія дэманструюць феанаменальныя магчымасці.
Самыя запатрабаваныя кандыдаты больш не інжынеры — прынамсі, у Salesforce. Генеральны дырэктар тэхналагічнага гіганта Марк Беніёф падчас квартальнай справаздачы перад інвестарамі заявіў, што за апошнія два гады штат інжынераў у кампаніі практычна не змяніўся і трымаецца на ўзроўні 15 тысяч чалавек. Прычына — у «новых ШІ-агентах для кодынгу», якія дэманструюць феанаменальныя магчымасці.
Salesforce працягвае наймаць людзей, але робіць гэта выключна ў адным кірунку — у аддзеле продажаў. Кіраўнік кампаніі падкрэсліў, што продажы і жывыя зносіны з кліентамі — гэта тыя сферы, дзе ШІ пакуль не здольны паўнавартасна замяніць чалавека, таму моцная каманда сейлзаў крытычна важная для далейшага пашырэння бізнесу.
У іншых аддзелах Salesforce сітуацыя іншая. Беніёф пацвердзіў, што раней кампанія скараціла каля 4 тысяч супрацоўнікаў падтрымкі, і іх задачы цяпер цалкам ускладзены на ШІ-агентаў. Кіраўнік Salesforce актыўна інвестуе ва ўнутраныя ШІ-інструменты: паводле ягоных прагнозаў, толькі ў сёлета кампанія патраціць каля $300 млн на куплю токенаў Anthropic для рэалізацыі сваіх праектаў.
Кіраўнікі многіх тэхналагічных кампаній згаджаюцца ў тым, што некаторыя чалавечыя навыкі ШІ пакуль не пад сілу. Напрыклад, генеральны дырэктар Duolingo Луіс фон Ан заявіў, што нейрасеткі дасюль не могуць параўнацца з мастакамі і дызайнерамі, і ён не мае намеру зніжаць якасць свайго дадатку дзеля сляпой аўтаматызацыі. Эксперты рынку працы рэкамендуюць суіскальнікам у эпоху ШІ факусавацца не на пошуку «бяспечных прафесій», а на развіцці гнуткіх навыкаў, якія складаней за ўсё аўтаматызаваць.
Релоцировались? Теперь вы можете комментировать без верификации аккаунта.