Meta прадставіла бэта-версію Muse Code — новага ШІ-інструмента для распрацоўкі софту, які павінен дапамагчы праграмістам працаваць з вялікімі кодавымі базамі. Сервіс пабудаваны на новай мадэлі Muse Spark 1.2 і стаў чарговым крокам кампаніі ў канкурэнцыі з Claude Code ад Anthropic і Codex ад OpenAI.
Meta прадставіла бэта-версію Muse Code — новага ШІ-інструмента для распрацоўкі софту, які павінен дапамагчы праграмістам працаваць з вялікімі кодавымі базамі. Сервіс пабудаваны на новай мадэлі Muse Spark 1.2 і стаў чарговым крокам кампаніі ў канкурэнцыі з Claude Code ад Anthropic і Codex ад OpenAI.
Паводле Meta, Muse Code здольны выконваць поўны цыкл інжынерных задач: планаваць змены, пісаць і правяраць код, выпраўляць памылкі. Для складаных праектаў ён аўтаматычна запускае некалькі ШІ-субагентаў, якія працуюць паралельна над рознымі часткамі задачы. Пры гэтым рабочая копія праекта застаецца нятронутай, а змены выконваюцца ў ізаляваных рабочых прасторах.
Кампанія навучала Muse Spark 1.2 і Muse Code сумесна, каб яны максімальна эфектыўна працавалі ў звязцы. Новая мадэль стала развіццём Muse Spark 1.1, якую Meta прадставіла месяц таму для тэставання распрацоўшчыкамі.
Яшчэ адна асаблівасць Muse Code — журнал усіх дзеянняў. Калі праца перарвецца, напрыклад праз збой, агент зможа працягнуць з таго месца, дзе спыніўся, а не пачынаць задачу спачатку.
Сервіс распаўсюджваецца па мадэлі pay-as-you-go. Кошт складае $1,25 за мільён уваходных токенаў і $4,25 за мільён выходных.
Кіраўнік Meta Superintelligence Labs Аляксандр Ван заявіў, што кампанія разлічвае зрабіць Muse Code не толькі канкурэнтаздольнай, але і больш даступнай альтэрнатывай існуючым ШІ-інструментам для праграмавання з пункту гледжання кошту.
Релоцировались? Теперь вы можете комментировать без верификации аккаунта.