Добрая навіна для тых, чыя прафесія актыўна трансфармуецца пад уплывам штучнага інтэлекту: працадаўцы гатовыя плаціць за такія навыкі адчувальна больш, чым пяць гадоў таму. І стаўкі тут растуць хутчэй, чым у прафесіях, далёкіх ад ШІ.
Добрая навіна для тых, чыя прафесія актыўна трансфармуецца пад уплывам штучнага інтэлекту: працадаўцы гатовыя плаціць за такія навыкі адчувальна больш, чым пяць гадоў таму. І стаўкі тут растуць хутчэй, чым у прафесіях, далёкіх ад ШІ.
Даследчы цэнтр Indeed Hiring Lab прааналізаваў рынак працы і высветліў, што ў вакансіях, найбольш падвержаных уплыву ШІ, рост прапанаваных заробкаў з 2021 года склаў 46%. Гаворка пра сферы, дзе нейрасеткі ўжо бяруць на сябе частку задач або істотна мяняюць працоўны працэс: распрацоўка ПЗ, ІТ-падтрымка, аналітыка дадзеных, маркетынг, а таксама банкаўскі сектар і фінансы.
Для параўнання: у сферах з нізкім уплывам ШІ (сястрынскі дагляд, грамадскае харчаванне, клінінг, вытворчасць) рост склаў усяго 25%, прычым за апошні год дынаміка там прыкметна запаволілася. Праўда, гэты фінансавы бонус адчуваюць у асноўным вопытныя спецыялісты: на стартавых пазіцыях розніца ў росце даходаў паміж двума гэтымі групамі пакуль ледзь заўважная.
Пазітыўны трэнд пацвярджаюць і дадзеныя амерыканскага Бюро статыстыкі працы (BLS). У сваім прагнозе да 2035 года ведамства аднесла 206 высокааплатных прафесій да катэгорыі моцна падвержаных уплыву ШІ, пры гэтым для большасці з іх (у тым распрацоўшчыкаў і бізнес-аналітыкаў) прадказаны стабільны рост колькасці працоўных месцаў. У Indeed падкрэсліваюць, што адначасовы рост колькасці вакансій і заробкаў у гэтых галінах кажа пра адно: каштоўнасць спецыялістаў, якія ўмеюць працаваць у звязцы з новымі тэхналогіямі, на рынку толькі расце.
Аднак апасенні ў грамадства нікуды не зніклі. Апытанне Pew Research Center паказала, што 71% дарослых амерыканцаў чакаюць скарачэння агульнай колькасці працоўных месцаў праз ШІ ў бліжэйшыя 20 гадоў (супраць 64% пару гадоў таму), а ў багатых краінах накшталт Аўстраліі і Паўднёвай Карэі гэты паказчык дасягае 76%. Некаторыя былыя супрацоўнікі вядучых ШІ-лабараторый і наогул звальняюцца праз змрочныя прагнозы пра рызыкі для чалавецтва. Але пакуль адны трывожацца, іншыя актыўна ўкараняюць нейрасеткі ў рутыну: аўтаматызуюць працоўныя задачы і выкарыстоўваюць персанальных ШІ-агентаў у штодзённым жыцці, падымаючы падобныя праграмы на першыя радкі App Store.
Рэлацыраваліся? Цяпер вы можаце каментаваць без верыфікацыі акаўнта.