Да канца года наземны грамадскі транспарт Мінска цалкам адмовіцца ад папяровых талончыкаў. Пра гэта заявіў генеральны дырэктар «Мінсктранса» Канстанцін Галалобаў у эфіры АНТ.
Да канца года наземны грамадскі транспарт Мінска цалкам адмовіцца ад папяровых талончыкаў. Пра гэта заявіў генеральны дырэктар «Мінсктранса» Канстанцін Галалобаў у эфіры АНТ.
Паводле яго, пасажыры змогуць аплачваць праезд выключна банкаўскай картай прама ў салоне.
Цяпер новую сістэму тэстуюць на 1-м тралейбусным і 1-м аўтобусным маршрутах горада. Спецыялісты адладжваюць нюансы, каб забяспечыць стабільную працу для ўладальнікаў карт любых банкаў — беларускіх і замежных.
«Я думаю, да канца гэтага года мы цалкам пяройдзем на сістэму аплаты банкаўскай картай у салоне транспартнага сродку», — сказаў Галалобаў.
Цяпер галоўная задача — закупіць і ўсталяваць новае абсталяванне. На думку генеральнага дырэктара, укараненне гэтай тэхналогіі зробіць праезд зручнейшым для гараджан і турыстаў, якія могуць не ведаць пра лакальныя транспартныя прыкладанні.
Релоцировались? Теперь вы можете комментировать без верификации аккаунта.