Беларусь ставіць перад сабой задачу забяспечыць крытычна важныя галіны эканомікі пераважна айчынным софтам. Пра гэта заявіў беларускі прэм’ер-міністр Аляксандр Турчын на Міжнароднай прамысловай выставе «Іннапром-2026» у Екацярынбургу.
Беларусь ставіць перад сабой задачу забяспечыць крытычна важныя галіны эканомікі пераважна айчынным софтам. Пра гэта заявіў беларускі прэм’ер-міністр Аляксандр Турчын на Міжнароднай прамысловай выставе «Іннапром-2026» у Екацярынбургу.
«Якія найважнейшыя напрамкі развівае Беларусь сёння? Лічбавыя тэхналогіі ды штучны інтэлект. Стратэгічная задача — ліквідаваць уразлівасць нацыянальнай ІТ-індустрыі, каб крытычна важныя галіны былі забяспечаны пераважна айчынным праграмным прадуктам», — цытуе чыноўніка РІА Навіны.
Таму, паводле яго, рэзідэнты ПВТ ствараюць рашэнні на базе ШІ і камп’ютэрнага зроку, якія ўжо працуюць у прамысловасці — ад кіравання жыццёвым цыклам прадукту да аўтаномнай лагістыкі на складах.
«Вазьмём сусветна вядомы БелАЗ, адна з мадэляў якога ў ліку першых атрымала статус тавару Саюзнай дзяржавы. На прадпрыемстве ўкаранёны цэлы шэраг інавацыйных лічбавых рашэнняў, інтэлектуальная сістэма маніторынгу і прагнознай аналітыкі. Тэстуецца беспілотная кар’ерная тэхніка на базе ўласнага праграмнага забеспячэння», — расказаў прэм’ер. Ён дадаў, што на прадпрыемстве рэалізаваны механізм мадэлявання зборкі вузлоў самазвалаў з выкарыстаннем віртуальнай рэальнасці.
«Разлічваем, што да 2030 года не менш за 70% арганізацый будуць выкарыстоўваць лічбавыя тэхналогіі шостага тэхналагічнага ўкладу», — сказаў Турчын.
Ён нагадаў, што ў сферы рабатызацыі перад прамысловасцю краіны пастаўлена задача за 5 гадоў павысіць шчыльнасць укаранення робатаў да 100 адзінак на 10 тысяч работнікаў.
«Ужо сёння 76 аўтаматызаваных комплексаў, задзейнічаных на заводзе „БЕЛДЖЫ“, дазволілі ўдвая павялічыць зборку кузавоў і павысіць агульную колькасць выпускаемых аўтамабіляў. Аўтаматызаваная вытворчасць тэлевізараў, запушчаная холдынгам „Гарызонт“, дала двухразавае павышэнне прадукцыйнасці працы», — перадае словы Турчына sb.by.
У мікраэлектроніцы, паводле яго, задачай мінімум вызначана забеспячэнне прамысловасці і ВПК айчыннымі мікраэлектроннымі кампанентамі. У станкабудаванні запланаваны штогадовы выпуск новых мадэляў станкоў з праграмным кіраваннем пад поўную патрэбу беларускіх прадпрыемстваў і выхад на сусветныя рынкі. Нашы вытворцы працуюць над пашырэннем лінейкі рухавікоў, электратранспарту ды іншай запатрабаванай тэхнікі, лакалізацыяй вузлоў і камплектуючых для іх.
Рэлацыраваліся? Цяпер вы можаце каментаваць без верыфікацыі акаўнта.