Google анансавала новую ШІ-інфраструктурную кампанію для барацьбы з дамінаваннем Nvidia

Blackstone ўкладае ў праект $5 млрд у выглядзе акцыянернага капіталу і стане мажарытарным уладальнікам. Улічваючы запазычаныя сродкі, агульны аб’ём інвестыцый у вылічальныя магутнасці, паводле Wall Street Journal, ацэньваецца ў астранамічныя $25 млрд. Новай кампаніяй, якая пакуль не мае афіцыйнай назвы, будзе кіраваць ветэран Google Бэнджамін Трэйнар Слос. Бакі ўжо вызначылі дата-цэнтры, што стануць базай праекта, прычым частка з іх яшчэ ў будаўніцтве. Да 2027 года партнёры плануюць увесці ў эксплуатацыю 500 МВт магутнасці — дастаткова, каб забяспечыць электрычнасцю горад сярэдніх памераў.

У межах угоды Google урэшце вырашылася на масавую камерцыялізацыю сваіх спецыялізаваных чыпаў TPU (Tensor Processing Units). Карпарацыя цалкам забяспечыць стартап «жалезам», софтам і сервісамі. Да гэтага Google пастаўляла TPU толькі выбарачна — у межах буйных угодаў з Anthropic і Meta. Цяпер жа, на фоне дэфіцыту чыпаў Nvidia і з’яўлення цэлага класа дробных невоблачных правайдэраў, Google выводзіць на рынак свае найноўшыя працэсары, кастамізаваныя як для энергаёмістага абучэння нейрасетак, так і для інферэнсу.

Blackstone з’яўляецца найбуйнейшым у свеце ўладальнікам дата-цэнтраў (у тым аператараў QTS і AirTrunk) з актывамі на $150 млрд. Спецыяльна для праекта была створана новая структура Blackstone N1 (BXN1), прызначаная для цэнтральнага кіравання ШІ-інвестыцыямі. Для BXN1 партнёрства з Google стала другой буйной угодай пасля нядаўняга запуску сумеснага прадпрыемства з Anthropic на $1,5 млрд. 

Anthropic запускае сумесную кампанію з Goldman Sachs і Blackstone на $1,5 млрд — выводзіць Claude ў бізнэс

Па тэме

Anthropic запускае сумесную кампанію з Goldman Sachs і Blackstone на $1,5 млрд — выводзіць Claude ў бізнэс

Канец шчодрасці: Google утройчы скарачае бясплатныя гігабайты ў Gmail для новых карыстальнікаў

Па тэме

Канец шчодрасці: Google утройчы скарачае бясплатныя гігабайты ў Gmail для новых карыстальнікаў