Запыты на пластыку па фотаздымках знакамітасцяў адыходзяць у мінулае — цяпер пацыенты прыносяць хірургам і дэрматолагам выявы «ідэальных» версій сябе, згенераваныя ў ChatGPT, Midjourney ці праз ШІ-фільтры. Гэты трэнд працягвае феномен «сэлфі-дысморфіі», але магчымасці нейрасетак узнялі завышаныя чаканні кліентаў да недасягальнай і небяспечнай вышыні, пішуць у Business Insider.
Запыты на пластыку па фотаздымках знакамітасцяў адыходзяць у мінулае — цяпер пацыенты прыносяць хірургам і дэрматолагам выявы «ідэальных» версій сябе, згенераваныя ў ChatGPT, Midjourney ці праз ШІ-фільтры. Гэты трэнд працягвае феномен «сэлфі-дысморфіі», але магчымасці нейрасетак узнялі завышаныя чаканні кліентаў да недасягальнай і небяспечнай вышыні, пішуць у Business Insider.
Дактары па ўсім свеце б’юць трывогу: ШІ-генератары ствараюць утрыраваныя вобразы, падобныя да лялек Bratz — з гіганцкімі вачамі, ненатуральна пухкімі вуснамі, ідэальнай скурай без пор і ультратонкімі таліямі. Пры гэтым алгарытмы зусім не ўлічваюць рэальную анатомію чалавека, ягоныя этнічныя асаблівасці і прапорцыі. Хірургі на кансультацыях гадзінамі тлумачаць кліентам базавыя законы фізіялогіі — напрыклад, што змяншэнне носа да памераў, згенераваных ШІ, перакрые дыханне, занадта вузкая талія не пакіне месца для ўнутраных органаў, а аперацый па павелічэнні вочкавага яблыка не існуе ў прыродзе.
Як адзначаюць спецыялісты, галоўная праблема трэнду ў тым, што «мяняць пікселі нашмат прасцей, чым апераваць жывое цела». Даследаванні пацвярджаюць: людзі, якія карыстаюцца ШІ-рэдактарамі сваіх фота, маюць крытычна завышаныя і часта смяротна небяспечныя патрабаванні да вынікаў пластыкі. У пагоні за ШІ-запытамі хірургі ўжо пачалі выконваць рэзкія аперацыі, як адмалёўка кубікаў прэса на брушной сценцы ці выдаленне рэбраў для звужэння таліі.
Зрэшты, у тэхналогія ёсць і адваротны бок: самі лекары бачаць у ШІ вялізны патэнцыял для прафесійнага выкарыстання. Развіццё нейрасетак дазволіць медыкам ствараць дакладныя і клінічна абгрунтаваныя 3D-імітацыі непасрэдна падчас прыёму — напрыклад, дэманстраваць пацыенткам пасля выдалення пухліны малочнай залозы, як будзе выглядаць імплант пэўнага аб’ёму з улікам іх анатоміі. Галоўнае, падкрэсліваюць хірургі, каб пацыенты разумелі: цела — не гліна, і ШІ-здымак ніколі не прадэманструе рэальныя магчымасці медыцыны.
Релоцировались? Теперь вы можете комментировать без верификации аккаунта.