Алеся Чапкевич world 15 верасня 2026, 16:13

Ніводная краіна не гатова да наступстваў ШІ — Гейтс

Улады ніводнай краіны ў свеце не гатовыя да змяненняў, якія адбудуцца ў грамадстве пад уплывам ШІ. Пра сур’ёзныя рызыкі наперадзе папярэдзіў Біл Гейтс у інтэрв’ю Reuters.

Пакінуць каментарый

Ніводная краіна не гатова да наступстваў ШІ — Гейтс

Улады ніводнай краіны ў свеце не гатовыя да змяненняў, якія адбудуцца ў грамадстве пад уплывам ШІ. Пра сур’ёзныя рызыкі наперадзе папярэдзіў Біл Гейтс у інтэрв’ю Reuters.

Да нядаўняга часу сузаснавальнік Microsoft у цэлым аптымістычна ацэньваў развіццё ШІ, аднак цяпер пачаў папярэджваць пра пагрозы для працоўных месцаў, рызыку атак і залежнасці ад ШІ-кампаньёнаў.

«Я не думаю, што хоць адзін урад займаецца гэтым настолькі сур’ёзна, як варта было б», — сказаў Гейтс. Пры гэтым ён адзначыў, што пры правільным падыходзе і роўным доступе ШІ можа прынесці вялікую карысць бяднейшым людзям свету.

Гейтс расказаў, што абмяркоўвае свае асцярогі з сусветнымі лідарамі, у тым ліку з прэзідэнтам ЗША Дональдам Трампам і ягонай камандай. Таксама сёлета ён разлічвае сустрэцца з кіраўніком Кітая Сі Цзінь Пінам.

«Урады моцна адстаюць у гэтым пытанні», — паўтарыў Гейтс.

«Роботы не захватят власть»: Трамп позвонил главе Nvidia прямо во время интервью чтобы развеять опасения про ИИ

Нягледзячы на асцярогі, прадпрымальнік разлічвае, што ШІ дапаможа скараціць разрыў паміж багатымі і беднымі, а не павялічыць яго. Дабрачынны фонд мільярдэра плануе выдаць мінімум $1 млрд на працягу бліжэйшых двух гадоў на пашырэнне доступу да ШІ. Грошы накіруюць партнёрам у сферы адукацыі, аховы здароўя і сельскай гаспадаркі.

Гейтс адзначае, што патэнцыял ШІ ў ахове здароўя «цяжка пераацаніць» — ён можа дапамагаць медычным работнікам на месцах і ўдзельнічаць у распрацоўцы новых лекаў і вакцын.

На думку мільярдэра, урады павінны супрацоўнічаць, каб пазбегнуць праблем. Прышэсце ШІ Гейтс параўнаў з сюжэтам фільма-катастрофы: «Ёсць мноства фільмаў, дзе прылятаюць нейкія іншапланецяне, і нейкім цудам ЗША, Кітай і ўсе астатнія аб’ядноўваюцца, каб вырашыць праблему. ШІ нечым падобны на гэты іншапланетны розум. Ён ужо тут, і нам лепш паступіць гэтак жа, як паказваюць у гэтых фільмах».