EPAM увайшоў у топ-500 кампаній ЗША з найлепшым менеджментам

Першае месца сёлета заняла Apple з вынікам 92,1 бала. Да гэтага спіс чатыры гады запар узначальвала Microsoft, якая гэтым разам акрамя «яблычнай» кампаніі прапусціла наперад Nvidia. Акрамя іх у топавай дзясятцы прысутнічаюць яшчэ тры тэхналагічныя кампаніі: Intel, як ні дзіўна, заняла 4 месца, Alphabet — 8-е, Adobe — 9-е.

EPAM набраў 45,1 бала і падзяліў сваю пазіцыю яшчэ з сямю кампаніямі. Летась кампанія з беларускімі каранямі займала 508 радок, а ў 2022 годзе — 753-і.

Рэйтынг Management Top 250 публікуецца ад 2017 года. Ён быў створаны спецыялістамі Інстытута Друкера сумесна з Wall Street Journal для ацэнкі эфектыўнасці менеджменту кампаній. Яна вызначаецца на аснове пяці крытэраў: задаволенасць кліентаў, уцягнутасць і развіццё супрацоўнікаў, інавацыі, сацыяльная адказнасць і фінансавая ўстойлівасць. Кампаніі маюць таргавацца на Нью-Ёркскай фондавай біржы або Nasdaq і адпавядаць шэрагу зададзеных крытэраў. На гэты раз у спіс увайшло каля 660 кампаній.

Apple вызначылася інавацыйнасцю, набраўшы па гэтым пункце больш за ўсіх астатніх кампаній — 99,9 балаў. Акрамя яе больш за 90 балаў за інавацыі сярод 25 топавых кампаній атрымалі ўсяго тры: Microsoft, Amazon і Walmart. Таксама Apple атрымала выдатную ацэнку фінансавай стабільнасці — тут яна саступіла толькі Nvidia. А вось паказчык па супрацоўніках у Apple выявіўся найгоршым сярод кампаній першай дзясяткі.

Падрабязна пра рэйтынг і яго метадалогію можна даведацца тут.

Акцыі EPAM узляцелі да рэкорднай цаны за апошнія паўгода

Па тэме

Акцыі EPAM узляцелі да рэкорднай цаны за апошнія паўгода

Экс-СЕО Intel заклікаў маліцца і пасціцца за здароўе кампаніі і супрацоўнікаў

Па тэме

Экс-СЕО Intel заклікаў маліцца і пасціцца за здароўе кампаніі і супрацоўнікаў