Джэнсэн Хуанг адным сваім прагнозам абрынуў рынкавую капіталізацыю кампаній, якія займаюцца квантавымі вылічэннямі, паведамляе Axios. Апошнім часам іх каціроўкі імкліва раслі — некаторыя за мінулы год падаражэлі амаль у 20 разоў.
Джэнсэн Хуанг адным сваім прагнозам абрынуў рынкавую капіталізацыю кампаній, якія займаюцца квантавымі вылічэннямі, паведамляе Axios. Апошнім часам іх каціроўкі імкліва раслі — некаторыя за мінулы год падаражэлі амаль у 20 разоў.
У часе сесіі «пытанне-адказ» з аналітыкамі Уол-стрыт, якую Nvidia правяла ў аўторак, Хуанга спыталі пра перспектывы маладой і гарачай тэхналогіі. Гендырэктар адказаў, што сапраўды карысныя квантавыя камп’ютары з’явяцца ў дыяпазоне 15-30 гадоў, хутчэй за ўсё — праз 20 гадоў. Nvidia з’яўляецца бясспрэчным лідарам на рынку АІ-вылічэнняў, і да слоў яе кіраўніка прыслухоўваюцца інвестары.
Рэакцыя квантавых кампаній не змусіла сябе чакаць. Ужо наступнага дня, у сераду, Rigetti Computing упала на 46%. За папярэдні год яе паперы падскочылі больш чым на 1800%. Quantum Computing Inc. патаннела на 45%, а IonQ — больш як на 42%.
Сукупныя страты рынку ацэньваюцца больш чым у $4 млрд.
Летась Google паказала квантавы чып Willow, здольны за 5 хвілін здзяйсняць вылічэнні, на якія ў сучаснага суперкамп’ютара сышло б 10 сэптыльёнаў гадоў. Зрэшты, кампанія сама лічыць сваё дасягненне больш «пераканаўчым прататыпам», які сведчыць пра магчымасць стварэння маштабных квантавых сістэм.
Рэлацыраваліся? Цяпер вы можаце каментаваць без верыфікацыі акаўнта.