СК узмацніў кантроль за кантэнтам у Threads і TikTok

Асаблівая ўвага будзе звяртацца на матэрыялы, якія, паводле ведамства, змяшчаюць:

• дэзінфармацыю — свядома ілжывыя звесткі, якія ўводзяць грамадзян у зман у пытаннях грамадскай бяспекі, працы дзяржаўных органаў, эканамічнай і сацыяльнай сітуацыі;
• распальванне сацыяльнай варожасці — заклікі да нянавісці, дыскрымінацыі па прыкметах сацыяльнай, нацыянальнай, рэлігійнай або іншай прыналежнасці, правакацыі на канфлікт паміж групамі грамадзянаў;
• свядома ілжывыя паведамленні пра небяспеку — ілжывыя мінаванні, пагрозы тэрарыстычнага характару, панічныя ўкіды пра нібыта надзвычайныя сітуацыі, якія рыхтуюцца, аварыях або іншых пагрозах жыццю і здароўю людзей;
• рэабілітацыю нацызму.

У ведамстве зафіксавалі факты, калі асобныя асобы дзеля павелічэння ахопу публікацый і прыцягнення аўдыторыі на акаўнт наўмысна распаўсюджваюць ілжывую інфармацыю пра нібыта здзейсненае кімсь злачынства, выстаўляюць сябе ахвярай або сведкам. Часам у аснове такіх публікацый ляжыць вымышленая гісторыя, падкрэслілі ў СК. Такім фактам будзе даквацца прававая ацэнка.

СК адзначыў, што такі кантэнт сур’ёзна шкодзіць грамадству і дзяржаве, правакуе занепакоенасць сярод насельніцтва і адцягвае праваахоўнікаў і экстранныя службы ад рэальных задач. У інтэрнэце адзін «правакацыйны» пост або каментарый можа за лічаныя гадзіны ахапіць дзясяткі тысяч карыстальнікаў, наносячы шкоду стабільнасці і бяспецы краіны, кажуць следчыя.

«Многія аўтары і распаўсюджвальнікі такога кантэнту лічаць, што ананімнасць у сетцы гарантуе беспакаранасць, аднак гэта меркаванне памылковае», — адзначылі ў СК. Там дадалі, што для выяўлення датычных супрацоўнічаюць з іншымі праваахоўнікамі, «выкарыстоўваючы ўвесь спектр следчых дзеянняў і міжнародную супрацу».

«Разам мы забяспечым інфармацыйную бяспеку ў Рэспубліцы Беларусь», — пагразіў СК. Карыстальнікаў сацсетак заклікалі праяўляць адказнасць і грамадзянскую свядомасць, не ствараць і не распаўсюджваць кантэнт, які можа прынесці шкоду грамадству.

Лукашэнка напалохаў беларускіх мужыкоў і сказаў жанчынам скардзіцца яму ў TikTok

Па тэме

Лукашэнка напалохаў беларускіх мужыкоў і сказаў жанчынам скардзіцца яму ў TikTok

У Беларусі спыніўся рост сацсетак. Акрамя адной — яна рванула

Па тэме

У Беларусі спыніўся рост сацсетак. Акрамя адной — яна рванула