DOOM запусцілі на кішачнай палачцы. Гульню можна прайсці за 600 гадоў
Спаборніцтва па запуску легендарнай гульні на самай незвычайнай платформе дасягнула новых вышынь. Цяпер эксперыментатары вырашылі паспрабаваць згуляць літаральна на бактэрыях.
Аспірантка Ларэн Рамлан з Масачусецкага тэхналагічнага інстытута займаецца праектам «па запуску медыя на клетках кішачнай палачкі». Клеткі выкарыстоўваюць у якасці пікселяў простага дысплэя, гэта дазваляе выводзіць з іх дапамогай бінарныя выявы.
Даследчыца выгадавала кішачныя палачкі ў спецыяльным планшэце, у якім зроблена 1536 лунак. Такім чынам атрымліваецца праграмаваны дысплэй з разрознасцю 32×48 біялагічных пікселяў.
Выбар бактэрыі не выпадковы: у плазміды кішачнай палачкі ёсць ген зялёнага флуарэсцэнтнага бялку. Таксама ў арганізма ёсць ген, які прыпыняе флуарэсцэнцыю. Свячэнне можна запусціць з дапамогай адмысловай малекулы.
На поўны працэс вываду выявы на клеткавы дысплэй сыходзіць каля 70 хвілін, на вяртанне ў зыходны стан — 8,33 гадзіны. Рамлан сцвярджае, што на вывад усёй гульні спатрэбіцца каля 600 гадоў.
Читать на dev.by