Павел Дураў заявіў у Х, што кіраўнік Meta Марк Цукерберг кпіць з карыстальнікаў WhatsApp, якія вераць яго словам пра бяспеку месэнджара. РБК адзначае, што нядаўна такіх людзей называў «бязмозглымі» і сам заснавальнік Telegram.
Павел Дураў заявіў у Х, што кіраўнік Meta Марк Цукерберг кпіць з карыстальнікаў WhatsApp, якія вераць яго словам пра бяспеку месэнджара. РБК адзначае, што нядаўна такіх людзей называў «бязмозглымі» і сам заснавальнік Telegram.
Дураў выклаў скрыншот перапіскі Цукерберга, якая датуецца 2004 годам. Той кажа суразмоўцу, што можа зліць даныя 4 тысяч студэнтаў Гарварда, якія зарэгістраваліся на запушчаным у тым годзе Facebook. У адказ на пытанне, адкуль у яго гэтая інфармацыя, Цукерберг піша: «Людзі самі надалі яе. Не ведаю, чаму. Яны „давяраюць мне“. Тупіцы».
The only thing that’s changed since this conversation is the scale. Today, WhatsApp’s owner is privately laughing not at 4 thousand, but at 4 billion «dumb fucks» who trust his claims (like WhatsApp’s encryption). 📈🤡🔐 pic.twitter.com/Yqnkw5qpQo
— Pavel Durov (@durov) February 2, 2026
Гэтая перапіска стала публічнай толькі ў 2010 годзе — яна фігуравала ў матэрыялах судовых разбіральніцтваў паміж Цукербергам і заснавальнікамі HarvardConnection наконт таго, каму належала ідэя стварэння Facebook.
Як напісаў Дураў, адзінае, што змянілася з часоў той перапіскі, гэта маштаб: «Сёння ўладальнік WhatsApp патаемна смяецца не над 4 тысячамі, а над 4 мільярдамі „тупіц“, якія вераць яго заявам (напрыклад, аб шыфраванні WhatsApp)». Хоць сам WhatsApp піша, што пакуль яшчэ столькі карыстальнікаў не набраў.
Раней Дураў казаў, што «трэба быць зусім бязмозглым, каб у 2026 годзе верыць, што WhatsApp бяспечны». Ён тлумачыў, што спецыялісты знайшлі ў аплікацыі шэраг магчымасцяў для атак. З гэтым сцвярджэннем пагадзіўся Ілан Маск, які называў WhatsApp небяспечным у 2024-м.
You’d have to be braindead to believe WhatsApp is secure in 2026. When we analyzed how WhatsApp implemented its «encryption», we found multiple attack vectors. https://t.co/BC1TWFAIlc
— Pavel Durov (@durov) January 26, 2026
Дураў у 2022 годзе называў WhatsApp «інструментам сачэння». Ён сцвярджаў, што хакеры могуць атрымаць поўны доступ да ўсяго зместу тэлефонаў, дзе ўстаноўлены месэнджар, з-за праблемы ў сістэме бяспекі. Пры гэтым, паводле словаў бізнесмена, да 2016 года ў аплікацыі ўвогуле адсутнічала шыфраванне дадзеных.
Релоцировались? Теперь вы можете комментировать без верификации аккаунта.