Беларускі офіс Currency.com вывелі з групы і перайменавалі ў «Дзеньгі Ком»

Беларуская кампанія ТАА «Карэнсі Ком Бел» выйшла з групы кампаній Currency.com і перайменаваная ў ЗАТ «Дзеньгі Ком». 

У ЗАТ «Дзеньгі Ком» нам пацвердзілі, што ў выніку рэарганізацыі да кампаніі перайшлі ўсе правы і абавязкі ТАА «Карэнсі Ком Бел».

ЗАТ «Дзеньгі Ком» працягвае аказваць паслугі кліентам з Беларусі ў звычайным парадку. «Узровень сэрвісу і даступнасць паслуг для кліентаў не зменяцца», — паведамілі ў кампаніі. 

На сайце кампаніі пазначана, што ЗАТ «Дзеньгі Ком» — рэзідэнт ПВТ.