Паводле дадзеных Міністэрства ўнутраных справаў і адміністрацыі (MSWiA), у 2025 годзе замежныя грамадзяне купілі ў Польшчы звыш 17,7 тысячы кватэр — на 2% больш у параўнанні з папярэднім годам. За апошняе дзесяцігоддзе колькасць угодаў вырасла ў 5 разоў. У статыстыцы вылучыліся беларусы.
Паводле дадзеных Міністэрства ўнутраных справаў і адміністрацыі (MSWiA), у 2025 годзе замежныя грамадзяне купілі ў Польшчы звыш 17,7 тысячы кватэр — на 2% больш у параўнанні з папярэднім годам. За апошняе дзесяцігоддзе колькасць угодаў вырасла ў 5 разоў. У статыстыцы вылучыліся беларусы.
Найбольш нерухомасці набываюць грамадзяне Украіны — пасля пачатку вайны быў зафіксаваны рэзкі рост угодаў з іх удзелам. Летась украінцы купілі амаль 9,3 тысячы кватэр агульнай плошчай звыш 548 тысяч кв. м. — гэта больш за сумарны метраж, куплены грамадзянамі яшчэ 115 краін, якія ўвайшлі ў статыстыку.
Таксама імклівы рост пакупак жылля ў Польшчы назіраецца сярод беларусаў. У 2025 годзе яны набылі больш за 2,7 тысячы кватэр агульнай плошчай амаль 192 тысячы кв. м. — гэта больш чым у 7 разоў больш у параўнанні з 2019 годам.
Эксперты партала GetHome.pl адзначаюць, што яшчэ гадоў пятнаццаць таму польскі рынак жылля прыцягваў перш за ўсё капітал — нярэдка ананімны, арыентаваны на хуткі прыбытак і гэткі ж хуткі выхад з інвестыцый. Сёння Польшча прыцягвае ў асноўным людзей, якія прыязджаюць сюды працаваць, вучыцца, адкрываць бізнес і з часам пускаць карані.
Рэлацыраваліся? Цяпер вы можаце каментаваць без верыфікацыі акаўнта.