Расійскія ІТ-спецыялісты, якія працуюць з інфраструктурным софтам мясцовага паходжання, лічаць, што ён падыходзіць для вырашэння базавых працоўных задач, але дрэнна сумяшчальны з іншымі рашэннямі — расійскімі і замежнымі. На гэты недахоп паказваюць 63% айцішнікаў, апытаных на просьбу Forbes распрацоўшчыкам софту для бізнэсу Orion soft.
Расійскія ІТ-спецыялісты, якія працуюць з інфраструктурным софтам мясцовага паходжання, лічаць, што ён падыходзіць для вырашэння базавых працоўных задач, але дрэнна сумяшчальны з іншымі рашэннямі — расійскімі і замежнымі. На гэты недахоп паказваюць 63% айцішнікаў, апытаных на просьбу Forbes распрацоўшчыкам софту для бізнэсу Orion soft.
У апытанні ўзялі ўдзел 1225 мідлоў і сеньёраў з кампаній са штатам 250+ чалавек і выручкай $20+ млн на год. Ва ўсіх апытаных ёсць досвед працы з расійскім інфраструктурным софтам (аперацыйныя сістэмы, рашэнні для віртуалізацыі і кантейнерызацыі, сістэмы рэзервовага капіявання, аддаленага доступу, білінгу, кіравання воблачнай віртуальнай інфраструктурай, СКБД). Каля 52% пачалі працаваць з ім у 2022–2024 гадах, 48% — да 2022 года.
Расійскі інфраструктурны софт выявіўся ніжэйшым за чаканні больш як паловы апытаных — 54%, хоць і закрыў іх асноўныя працоўныя патрэбы. 42% рэспандэнтаў расказалі, што расійскі софт адпавядае іхнім чаканням і цалкам задавальняе працоўныя запыты. Па 2% рэспандэнтаў выказалі палярныя пункты гледжання: для адных расійскі софт перасягнуў чаканні, а іншыя не рэкамендуюць ім карыстацца.
На думку 41% удзельнікаў даследавання, расійскія аналагі саступаюць замежным рашэнням у прадукцыйнасці. Амаль столькі ж (39%) адзначае недастатковую функцыянальнасць. Каля траціны ІТ-спецыялістаў кажа, што расійскія вендары не надаюць дастатковай увагі навучанню заказчыкаў працы са сваімі прадуктамі. 22% адзначаюць недахоп якаснай дакументацыі, 18% не задаволеныя тэхпадтрымкай.
Сярод пераваг расійскіх рашэнняў рэспандэнты адзначаюць зручны інтэрфейс, падобны да заходніх аналагаў (46%), і наяўнасць неабходнага функцыяналу (44%). Для 39% важным плюсам стала наяўнасць зразумелай тэхнічнай дакументацыі і гайдаў па працы з прадуктам.
І кіраўнікі ІТ-напрамкаў прадпрыемстваў, і тыя, хто непасрэдна працуе з софтам, падкрэсліваюць праблему пры забеспячэнні сумяшчальнасці сфоту. Таму значным фокусам развіцця для вендараў у 2025 годзе ў Orion soft называюць тэхналагічныя партнёрствы. Там лічаць, што распрацоўка глыбокіх прадуктовых інтэграцый сумесна з лідарамі розных сегментаў ІТ-рынку дапаможа хутчэй дасягнуць планкі, якую задалі замежныя рашэнні.
Паводле ацэнак Strategy Partners, сегмент інфраструктурнага софту ў Расіі ў 2023 годзе вырас амаль на траціну да 101 млрд RUB ($1 млрд) — +31% пасля абвалу па выніках 2022-га. Але па-ранейшаму не дасягнуў узроўню 2021 года, калі ён склаў 132 млрд RUB. Паводле прагнозаў аналітыкаў, да 2029 года ён можа вырасці да 246 млрд RUB.
Рэлацыраваліся? Цяпер вы можаце каментаваць без верыфікацыі акаўнта.
А Клара у Карла... Тьфу, не то... А российский софт раскритиковал российских айтишников
Унтер-офицерская жена высекла сама себя
ох уж это идолопоклонство перед Западом 🫢