IT-спецыяліст з пяццю працамі змагаецца з сумленнем і зарабляе амаль мільён долараў

«Не хачу забіраць усе вакансіі, калі навокал поўна людзей, якім праца сапраўды неабходная», — прызнаецца ён. Праз гэтае пачуццё віны Дэм’ен вырашыў пакуль не браць шостую дамову, хаця прапановы ёсць.

Яго дзень пачынаецца, а 4 гадзіне раніцы. Пасля трэніровак ён садзіцца за маніторы і да 6 гадзін ужо ў сетцы, балансуючы паміж трыма часавымі паясамі сваіх працадаўцаў. Да 17 гадзін ён звычайна заканчвае ўсе справы. Сакрэт поспеху ў тым, што кампаніі, на ягоную думку, часта перацэньваюць аб’ём працы, які можа выканаць адзін чалавек. «Я папросту не даю ім падставаў думаць, што за мной трэба сачыць», — тлумачыць Дэм’ен. Ён выдае якасны вынік, а каб статус актыўнасці заўжды свяціўся зялёным, ён сам напісаў праграму для яе імітацыі.

Галоўны матыватар такога ладу жыцця — страх застацца ні з чым. Калі летась адна з ягоных прац «адвалілася», ён выдаў паўгода на пошукі новай. «Я тады падумаў: „Калі б я сапраўды быў беспрацоўным, я б шэсць месяцаў чакаў хоць які адказ“», — успамінае ён. Гэта ўмацавала ягонае жаданне мець некалькі прац для падстрахоўкі адначасова.

Нягледзячы на вялікія даходы, якія дазволілі ягонай жонцы звольніцца, а сям'і — набыць новы дом і аўта, Дэм’ян разумее, што доўга так не пратрымаецца. Цяпер ён актыўна ўкладваецца ў нерухомасць, каб стварыць пасіўны даход і скончыць з гіперзанятасцю. «Я не хачу працаваць у такім рэжыме вечна», — падсумоўвае герой, дадаючы, што ў якісь момант у чалавека проста заканчваюцца рэчы, якія яму хацелася б купіць.