Алеся Чапкевич world 26 лютага 2026, 19:31

EBay скарачае 800 супрацоўнікаў

EBay скарачае каля 800 чалавек, або 6% агульнай колькасці супрацоўнікаў, паведамляе Bloomberg.

Кампанія жадае рэінвеставаць грошы ў розныя напрамкі бізнесу і прывесці штат «у адпаведнасць са стратэгічнымі прыярытэтамі». Яна падзякавала людзям за ўклад і абяцала аказаць падтрымку. Пры гэтым наём у ключавых сферах працягнецца.

Усяго тыдзень таму маркетплэйс аб’явіў аб купле платформы Depop па продажы адзення прыблізна за $1,2 млрд. Угода павінна дапамагчы прыцягнуць маладых пакупнікоў. Нядаўна EBay таксама адрапартаваў за 4 квартал — выручка кампаніі вырасла на 15% да $3 млрд і перавысіла ацэнкі аналітыкаў.

Гэта трэці раўнд звальненняў у EBay за апошнія гады. У пачатку 2023-га пад скарачэнне трапіла 500 чалавек на фоне постпандэмійнага спаду, а ў пачатку 2024-га працы пазбавілася прыблізна тысяча супрацоўнікаў, таму што працавыдаткі кампаніі перавысілі тэмпы росту.