Яўгену Юшкевічу вынеслі прысуд
Экс-следчаму і праграмісту далі 11 гадоў узмоцненага рэжыму.
Экс-следчаму і праграмісту далі 11 гадоў узмоцненага рэжыму.
Экс-следчаму і праграмісту далі 11 гадоў узмоцненага рэжыму.
У Мінскім гарадскім судзе вынеслі прысуд Яўгену Юшкевічу — былому следчаму, Android-распрацоўшчыку, ініцыятару праекта па перанавучанні сілавікоў, дзяржслужачых ды іншых, хто звольніўся. Юшкевіча затрымлівалі двойчы — у лістападзе 2020 года (тады ж распачалі крымінальную справу) і ў красавіку 2021-га. Другі раз ужо не выпусцілі.
Як паведамляе тг-канал Генпракуратуры, суд прызнаў Юшкевіча вінаватым па ч. 1 арт. 130 (распальванне сацыяльнай варожасці і розні), ч. 1 арт. 293 (арганізацыя масавых беспарадкаў), ч. 1 арт. 342 КК (арганізацыя групавых дзеянняў, якія груба парушаюць грамадскі парадак). ТГ-канал таксама называе яго «актыўным удзельнікам Telegram-чата „ХАТА“, дзейнасць якога накіраваная на арганізацыю злачынстваў экстрэмісцкай накіраванасці».
Прысуд — 11 гадоў пазбаўлення волі ва ўмовах узмоцненага рэжыму. Ён яшчэ не набыў моцы.
Рэлацыраваліся? Цяпер вы можаце каментаваць без верыфікацыі акаўнта.