Венчурныя інвестары наперабой пішуць Міры Мураці і спрабуюць дамагчыся сустрэчы з ёй — мінулага тыдня яна пакінула пасаду тэхнічнай дырэктаркі OpenAI, каб заняцца даследаваннямі самастойна. Інвестары чакаюць, што яна можа неўзабаве запусціць сваю кампанію, паведамляе Business Insider.
Венчурныя інвестары наперабой пішуць Міры Мураці і спрабуюць дамагчыся сустрэчы з ёй — мінулага тыдня яна пакінула пасаду тэхнічнай дырэктаркі OpenAI, каб заняцца даследаваннямі самастойна. Інвестары чакаюць, што яна можа неўзабаве запусціць сваю кампанію, паведамляе Business Insider.
Венчурныя інвестары імкнуцца першымі ўкласціся ў стартапы, заснаваныя былымі супрацоўнікамі OpenAI. За апошнія некалькі гадоў сваю справу пачалі ўжо дзясяткі выхадцаў прарыўнога АІ-стартапа.
Сузаснавальнік і былы галоўны навуковец OpenAI Ілля Суцкевер прыцягнуў $1 млрд пад сваю АІ-лабараторыю Safe Superintelligence. Андрэй Карпаты заснаваў кампанію Eureka Labs, якая спецыялізуецца на ўжыванні тэхналогіі ў адукацыі. Дарыё Амадэй разам з групай навукоўцаў з OpenAI яшчэ ў 2021 годзе стварыў Anthropic, АІ-стартап Perplexity заснаваў былы даследчык OpenAI Аравінд Шрынівас.
Мураці далучылася да OpenAI у 2018 годзе. Тут яна ўзначальвала каманды па распрацоўцы двух флагманскіх прадуктаў — ChatGPT і генератара выяў Dall-E. Да гэтага яна працавала ў Tesla над электракарам Model X.
Рэлацыраваліся? Цяпер вы можаце каментаваць без верыфікацыі акаўнта.