Аддзел навін 9 чэрвеня 2023, 11:22

ЕС вылучыў амаль $9 млрд на падтрымку паўправадніковага сектара

Еўракамісія зацвердзіла вылучэнне €8,1 млрд ($8,7 млрд) на праекты ў галіне мікраэлектронікі і камунікацыйных тэхналогій, каб узмацніць канкурэнтныя пазіцыі ў сферы, паведамляе Reuters.

Пакінуць каментарый

ЕС вылучыў амаль $9 млрд на падтрымку паўправадніковага сектара

Еўракамісія зацвердзіла вылучэнне €8,1 млрд ($8,7 млрд) на праекты ў галіне мікраэлектронікі і камунікацыйных тэхналогій, каб узмацніць канкурэнтныя пазіцыі ў сферы, паведамляе Reuters.

Дзярждапамогу дадуць 14 краін ЕС: Аўстрыя, Германія, Грэцыя, Ірландыя, Іспанія, Італія, Мальта, Нідэрланды, Польшча, Румынія, Славакія, Фінляндыя, Францыя і Чэхія. Доступ да яе атрымаюць 56 кампаній, уключна з Airbus, ASML, Ericsson, GlobalFoundries, Analog Devices, Bosch і Renault для рэалізацыі 68 праектаў у рамках ініцыятывы пад назвай Important Project of Common European Interest (IPCEI).

Гэта будуць праекты даследаванняў і распрацоўкі матэрыялаў, інструментаў, паўправадніковай прадукцыі і вытворчых працэсаў. Гаворка вядзецца пра тэхналогіі 5G і 6G, тэлекамунікацыйныя тэхналогіі, тэхналогію беспілотнага кіравання, АІ і квантавыя вылічэнні.

Літва запусціць хатнюю вытворчасць чыпаў пры падтрымцы Тайваня

Згаданыя праекты маюць паскорыць фармаванне еўрапейскага ланцужка паставак кампанентаў для радараў і прадуктаў для касмічнай галіны, а таксама выпуск мясцовых электракараў і распрацоўку перадавых АІ-чыпаў. Еўракамісія разлічвае, што праекты дадаткова прыцягнуць €13,7 млрд прыватных інвестыцый.

«Мы маем стаць наватарамі. Мы маем развіваць сапраўды інавацыйныя рашэнні і іхняе прамысловае ўкараненне ў Еўропе», — заявіла еўракамісарка ў пытаннях канкурэнцыі Маргрэт Вестагер.

Праграма будзе завершаная ў 2032 годзе, а ейны першы плён можа з’явіцца на рынку ўжо ў 2025-м. Амаль на палову субсідый — €4 млрд — прэтэндуе 31 праект з Германіі.