«Гэта мая найгоршая памылка»: брытанка выкінула біткойн-гаманец жаніха з 3 млн фунтаў

Падчас прыбірання Элі Харт адкрыла скрыню са звычайным смеццем: старымі квітанцыямі, разраджанымі батарэйкамі і зблытанымі правадамі. Там жа ляжаў стары USB-накаплялнік, які жанчына выкінула разам з іншымі непатрэбнымі рэчамі. Некалькі дзён пасля гэтага яе партнёр Том спытаў у Элі, куды падзелася ягоная флэшка. Аказалася, што гэта быў яго крыптагаманец.

Том купіў біткойны ў 2013 годзе, калі іх кошт быў значна ніжэйшы, і з таго часу крыптавалюта на прыладзе ператварылася ў багацце вартасцю больш за 3 мільёны фунтаў стэрлінгаў. Па словах Элі, яна адразу ўсвядоміла сваю памылку і адчула сябе «абсалютна хворай».

Элі з удзячнасцю адзначыла, што Том не крычаў на яе і не абвінавачваў, але яго маўчанне было вельмі красамоўным. Яна дадала, што гэтыя грошы маглі б забяспечыць іх будучыню, куплю дома, адпачынак і ўсё астатняе, а яна проста выкінула іх разам з непатрэбнай поштай.

Пара нават вытрэсвала смеццевыя пакеты і залазіла ў кантэйнеры ў адчайнай спробе знайсці прапажу, але Элі прызналася, што ў глыбіні душы ведала, што ужо позна. Брытанка назвала тое, што здарылася, «найгоршай памылкай, якую я калі-небудзь здзяйсняла». У сувязі з гэтым Элі дала параду ўсім, хто захоўвае грошы ці нешта важнае на USB-накапляльніках: калі ласка, пазначайце іх, замыкайце і не здзяйсняйце падобных памылак.