Мільярдныя ацэнкі стартапаў, рэкордныя прапановы заробкаў і жорсткая барацьба за ШІ-распрацоўшчыкаў ствараюць ілюзію росквіту ІТ-рынку ў Сан-Францыска. Але за фасадам разгортваецца маштабны крызіс: спецыялісты, якія забяспечылі тэхналагічны бум, масава губляюць працу і з цяжкасцю адаптуюцца да новай рэальнасці, піша Bloomberg.
Мільярдныя ацэнкі стартапаў, рэкордныя прапановы заробкаў і жорсткая барацьба за ШІ-распрацоўшчыкаў ствараюць ілюзію росквіту ІТ-рынку ў Сан-Францыска. Але за фасадам разгортваецца маштабны крызіс: спецыялісты, якія забяспечылі тэхналагічны бум, масава губляюць працу і з цяжкасцю адаптуюцца да новай рэальнасці, піша Bloomberg.
Паводле дадзеных Дэпартамента развіцця занятасці Каліфорніі, за 12 месяцаў (па чэрвень уключна) ІТ-кампаніі раёна заліва скарацілі больш за 14,5 тысячы супрацоўнікаў — гэта амаль удвая больш, чым за папярэдні аналагічны перыяд. Аналітыкі падлічылі, што з лютага 2020 года рэгіён страціў больш за 60 тысяч працоўных месцаў ва ўсіх сферах. Сапраўдны драйвер аднаўлення рынку працы цяпер — зусім не ІТ, а прыватная адукацыя, ахова здароўя і сфера паслуг.
У тэхналагічным сектары адбываецца структурны зрух. Па-першае, падае запатрабаванасць класічных распрацоўшчыкаў ПА: з 2022 года попыт на іх у раёне заліва, паводле дадзеных Lightcast, упаў на 42%. Пры гэтым колькасць вакансій, звязаных з ШІ і вылічальнымі навукамі, за той жа перыяд вырасла на 37%.
Асобны ўдар прыйшоўся па джунах: у Каліфорніі занятасць сярод спецыялістаў ва ўзросце ад 22 да 25 гадоў у прафесіях, найбольш схільных да рызыкі аўтаматызацыі, скарацілася на 16,8% з моманту запуску ChatGPT (супраць 4,6% у астатніх катэгорый).
Эксперты адзначаюць эфект «арэляў»: інвестыцыі ў ШІ ствараюць новыя месцы, але звальненні ў традыцыйных біг-тэхах перавешваюць гэты прырост. Наймаюць значна менш людзей, чым скарачаюць, а патрабаванні да кандыдатаў кардынальна змяніліся. Звычайныя навыкі накшталт JavaScript і фронтэнду больш не гарантуюць цікавасці з боку працадаўцаў. На фоне растучага кошту жыцця і арэнды жылля ў Сан-Францыска многія кваліфікаваныя кадры задумваюцца пра ад’езд або змену прафесіі.
Замест класічных інжынераў рынак цяпер палюе за універсаламі. Найбольш запатрабаванай стала пазіцыя forward deployed engineer, якая спалучае кодынг, прадуктовы аналіз і працу з кліентамі па ўкараненні ШІ-рашэнняў. З 2022 года колькасць такіх вакансій у рэгіёне вырасла амаль у 7 разоў. Найбуйнейшыя гульцы гатовы плаціць гэтым спецыялістам ад $145 тысяч да $325 тысяч у год плюс апцыёны. Salesforce ужо абвясціла, што збіраецца наняць 1000 такіх супрацоўнікаў.
Рэлацыраваліся? Цяпер вы можаце каментаваць без верыфікацыі акаўнта.