ФБР абвінаваціла мужчыну ў выкарыстанні AirTag для сачэння за сваёй былой жонкай

Паводле версіі следства, грамадзянін Таджыкістана таемна пераправіў сваю былую жонку ў ЗША праз сетку, на якую ён меркавана працаваў. У маі яму выставілі абвінавачванне ў пераследзе: ён устанавіў сачэнне за жанчынай, а таксама «адпраўляў галасавыя паведамленні з пагрозамі».

The Verge адзначае, што ўжо вядомыя выпадкі, калі людзі выкарыстоўвалі AirTag для сачэння за сваімі былымі партнёрамі. У гэтай справе мужчына, як сцвярджаецца, устанавіў сем пазнак на аўтамабіль, якім карысталася яго былая жонка. Паводле даных следства, яны былі ўстаноўленыя па ўсім аўтамабілі, у тым ліку на бакавым люстэрку і пад бамперам.

Супрацоўнікі ФБР сачылі за мужчынам і бачылі, як той устанаўліваў пазнакі. Пасля выстаўлення абвінавачвання праваахоўныя органы выпісалі ордэр на ператрус. Таксама ў яго тэлефоне выявілі тэчку з фотаздымкамі і відэа сэксуальнага зместу, на якіх ёсць яго былая жонка. Падазраваны нібыта пагражаў апублікаваць здымкі, калі жанчына не выканае яго патрабаванняў.