У панядзелак Spotify анансаваў скарачэнне каля паўтары тысячы супрацоўнікаў для ўгамавання выдаткаў. Рынак быў у захапленні: наступнага дня каціроўкі музычнага сэрвісу падскочылі да $199,97 за акцыю — на 10, 7% у параўнанні з $180, 69 пры закрыцці пятнічных таргоў.
У панядзелак Spotify анансаваў скарачэнне каля паўтары тысячы супрацоўнікаў для ўгамавання выдаткаў. Рынак быў у захапленні: наступнага дня каціроўкі музычнага сэрвісу падскочылі да $199,97 за акцыю — на 10, 7% у параўнанні з $180, 69 пры закрыцці пятнічных таргоў.
На гэтым фоне свае паперы абнаявілі фінансавы дырэктар Spotify Пол Фогель і галоўны юрыст кампаніі Іў Канстан — на $9,38 млн і $1,15 млн адпаведна. Зрэшты, The Verge дапускае, што продаж мог быць здзейснены аўтаматычна па дасягненні акцыямі зададзенага ўзроўню.
Але ўжо праз два дні пасля гэтага гендырэктар Spotify Даніэль Эк абвясціў, што Фогель пакіне кампанію 31 сакавіка 2024 года. Ён працаваў тут ад 2016-га, а фінансавы аддзел узначаліў у 2020-м. Адстаўку кіраўнік і заснавальнік Spotify аргументаваў тым, што Фогель выявіўся недастаткова кампетэнтным, каб дапамагчы сэрвісу адначасова пашырацца і апраўдваць рынкавыя чаканні, але падзякаваў яму за тое, што дапамог Spotify перажыць пандэмію. Цяпер Spotify вырашыў засяродзіцца на максімізацыі прыбытку для ўстойлівага развіцця.
Кампанія ўжо пачала шукаць Фогелю замену. Сам ён публічна з нагоды свайго звальнення не выказваўся. Акрамя гэтага, у рамках рэарганізацыі Spotify пакінула дырэктарка па маркетынгу Тадж Алаві.
Рэлацыраваліся? Цяпер вы можаце каментаваць без верыфікацыі акаўнта.