Николай Чикишев 13 верасня 2023, 15:05

Францыя забараніла продажы iPhone 12 праз надта моцнае выпраменьванне

Нацыянальнае агенцтва па частотах Францыі (ANFR) абвясціла пра часовую забарону продажаў iPhone 12 у краіне: прылада перавышае нормы электрамагнітнага выпраменьвання.

1 каментарый

Францыя забараніла продажы iPhone 12 праз надта моцнае выпраменьванне

Нацыянальнае агенцтва па частотах Францыі (ANFR) абвясціла пра часовую забарону продажаў iPhone 12 у краіне: прылада перавышае нормы электрамагнітнага выпраменьвання.

«Нацыянальнае агенцтва па частотах просіць Apple адклікаць iPhone 12 з французскага рынку ад 12 верасня 2023 года пасля таго, як у гэтай мадэлі было зафіксавана перавышэнне ўдзельнага каэфіцыента паглынання (SAR)», — заявіў міністр-дэлегат па лічбавым пераходзе і тэлекамунікацыях Жан-Ноэль Баро.

SAR — паказчык, які вызначае энергію электрамагнітнага поля, што паглынаецца чалавечымі тканкамі за адную секунду. Яго выкарыстоўваюць для вымярэння шкоднага ўздзеяння мабільных тэлефонаў на чалавека. У iPhone 12 гэты паказчык складае 5,7 Вт на 1 кг, пры дазволеным лімітавым значэнні ў 4 Вт на 1 кг.

Рэгулятар запатрабаваў у найхутчэйшым часе ліквідаваць няспраўнасць. У выпадку невыканання патрабавання кампанія будзе абавязаная адклікаць усе ўжо прададзеныя прылады. У Apple ёсць два тыдні на ліквідацыю перавышэння нормаў.